أنثى برج الجدى شخصية قوية جدا و من اهم صفاتها استقلالها و اعتمادها الشديد على نفسها و البنات فى البرج ده بيكونوا عمليين جدا و بيفكروا بعقلهم اكثر من قلبهم و لو عايز تعرف ازاى تجبلهم هدية بجد هتعجبهم يبقى لازم تقرا السطور اللى جاية اللى هتعرف فيها ايه هى احلى هدايا لانثى برج الجدى …

1 – الادوات المكتبية :

لو عايز تجيب هدية بجد مخصوصة لانثى برج الجدى بس يبقى تدور على هدية عملية بتدعم طموحا و نجاحها و حبها للحياة . ممكن تجيبلها منظم للمواعيد او اجندة تكتب فيها خططها الاسبوعية و يكون شكلها مميز و جميل ممكن كمان شنطة لاب توب او الحجات اللى بتتحط على المكتب فى الشغل و الادوات المكتبية و الشنط الجلد اللى بيتشال فيها الورق و المستندات .

2 – المجوهرات و الاكسسوارات :

البنات فى البرج ده بيحبوا جدا الاكسسوارات اللى بتقعد كثير و مش بتبوظ و لا بتصدى من اجملها المجوهرات المصنوعة من اللؤلؤ و الالماس وممكن كمان الاحجار الكريمة و اللبس و الهدوم المطعمة بالاحجار دى هيكون هدية رائعة بالنسبة لها و شكل الاكسسوار مهم جدا و هيكون احلى لو مبتكر و مش تقليدى لانها شخصية تعشق الابتكار و الاختلاف .

3 – الهدايا الرومانسية :

بنات برج الجدى ساعات كتير بيميلوا الى التقليدية و من الهدايا المناسبة ليهم علب الشيكولاتة القيمة و بوكه الورد الاحمر المعروف اللى هما رمز للرومانسية فى الهدايا . عشان هى شخصية بتعشق الاصالة و الحجات القيمة ممكن تجيبلها قطعة اثاث من الانتيكات زى التحف الرقيقة اللى بيتزين بيها البيت و الفضيات .

4 – الحفلات :

الانثى فى البرج ده بتحب جدا تكون العلاقات و الاصدقاء و بتدور على انها تعرف ناس فى اى مكان تروحه و عشان كده هيكون من الهدايا الجميلة انك تحجزلها و توديها اماكن التجمعات و الاجتماعيات دى زى الحفلات و الانشطة الخيرية و الاماكن اللى فيها ناس كثير ممكن تتعرف عليهم و تزود علاقتها الشخصية و العملية .

5- الالعاب :

عشان هى شخصية طموحة و مميزة هتلاقيها بتحب انها تكسب دايما و بتكره الخسارة و بتحب التحد و هيكون فكرة جديدة و حلوة انك تجبلها تذاكر لحضور ماتش اى لعبة هى بتحبها زى الجولف مثلا و ممكن تحجز مكان او ملعب و تشاركها لحظات مرحة انكم تلعبوا الرياضة دى سوا انتم و الاصدقاء.