واتخطبت مرة تانية من الملحن محمد ضياء لمدة 3 سنين، وإنفصلوا بسبب عدم رغبتها في الإنجاب وقالت إنها مش بتعرف تتعامل مع الأطفال ، وكمان مش بتعرف تعبر عن حبها ، وكانت عصبية جدا وجالها إكتئاب خلال فترة خطوبتهم بسبب الإضطهاد اللي كانت بتحس بيه من الوسط الفني عليها". 

وهي تعتبر واحدة من أكتر الفنانات اللي إتعرضوا لكم كبير من الإشاعات والمعلومات المغلوطة عنها ومن أقوى الإشاعات اللي إرتبطت بيها زواجها من الرئيس السابق محمد حسني مبارك، اللي إنتشرت بعد ثورة 25 يناير لكن إيمان الطوخي نفت الإشاعة دي وقالت في البداية أخدت الموضوع بشكل كوميدي لكن مع مرور الوقت إتحولت الإشاعة لكابوس بيطاردها وبدأت تكبر وسببتلها إذى نفسي 
أضافت إيمان في حوارها إن سبب الإشاعة إن كان في حفلة سنة 1997، قامت بالغنا فيه، واتكلمت معاه، ووضح لها إعجابه بصوتها، وسعادته بإنها شاركت سيد مكاوي الغناء، 

 ومكانتش دي الإشاعة الوحيدة ولكن طردتها مجموعة من الإشاعات التانية منهم إن البعض إدعوا أن زكريا عزمي حاول التقرب منها وكان بيطاردها وإن دة سبب إعتزالها ،ولكنها نفت الإشاعة وقالت إنها مقابلتش زكريا عزمي ولا مرة ولا حتي سمعت صوته وكمان التليفزيون رفض عرض مسلسلها الناجح «جمال الدين الأفغانى»، وتم إبعادها لدرجة تخلى المخرج أشرف فهمى عنها رغم إنه كان عايز يصنع منها فنانة شاملة كل دة أثر عليها نفسيا وجسديا فبرغم من إعتزالها الفن فالاشاعات فضلت تطاردها فترة كبير لدرجة إن إبن أختها نشر ، مقطع فيديو على "يوتيوب"، عليه رسالة مكتوبة تؤكد "عدم زواج خالته بأي من رجال السياسة ، وأن الإشاعات دي ضرتها بها نفسيا وجسديا، وطلب من الجميع تحري الدقة في اللي بينتشر" .

 أعلنت الفنانة إيمان الطوخي إعتزالها بعد آخر عمل لها سنة 1997 بعد 15 عامًا من العمل فيه رغم حزنها الكبير لإعتزالها فاعتزلت علشان تحافظ علي صورتها الجميلة في الفن وبسبب الدخلاء اللي أساءوا للوسط الفني - 

قدمت عددًا من الأعمال الدرامية والسينمائية الناجحة، أبرزهم مسلسل (ألف ليلة وليلة) (رحلة فطوطة السحرية) .

و من الأفلام اللي قدمتها (دماء على الأسفلت)، و(الحكم آخر الجلسة). 

 ومن أشهر أغانيها "النظرة الأولى " و"يا عيون يا مغرباني"، قدمت ألبوماً غنائياً كاملاً في أوائل التسعينيات