بدأ حبه للتمثيل من وقت ماكان طفل في المدرسة الرضوانية الإبتدائية وبعدها شارك في مسرحية "أنطونيو" ودي كانت أول مشاركه ليه . ولما راح المدرسة الخديوية أخد كأس التفوق في التمثيل .
وكمان وزارة التربية والتعليم إدته ميداليات كتير بفضل المسرحيات المميزة اللي قدمها .
وحصل على الشهادة التوجيهيه سنة 1956.
إتولد يوم 15 أكتوبر 1931 كِبر في أسرة بسيطة والدة كان بيشتغل مقاول وحياته كانت مليانه مواقف صعبة وبدأت أول مشكلة ليه لما إتوفت والدته وهو عنده 6 سنين من وقتها وهو إتحول من طفل مدلل لشخص قادر إنه يتحمل مسؤلية .
وعن حياته الخاصة
حاول بقدر الإمكان الفنان حسن حسني يبعد حياته الخاصة عن الشهرة والإعلام
وكان قليل جدًا ظهور زوجته معاه في أي لقاءات صحفية أو أخبار لكن أتفاجأ
الجمهور لما ظهرت معاه أثناء تكريمه في فعاليات مهرجان شرم الشيخ السينمائي
وظهرت كسيدة مصرية محجبة بسيطة واتسمت بالرقي زي زوجها حسن حسني .
وفي 2013 زاد الحزن على حياته لما ربنا إختار بنته رشا
بعد مرضها وتوفاها الله ، وفي فترة مرضها وكان وقتها بيصور مسلسل "مزاج
الخير " كان بيروح التصوير بصعوبه وبيخلص مشاهده وبيجري عليها وبعد وفاتها
إتحمل رعاية أحفاده.
قدم أكثر من 160 فيلم، و120 مسلسل، و30 مسرحية.
وكانت بدايته الحقيقيه كممثل محترف في الستينات وعلى
طول بقى عضوا في "فرقة المسرح العسكري" اللي كانت تبع الجيش المصري وقتها
وكان بيقدم عروضه على مسرح المتحدين في شهر رمضان للضباط وأسرهم.
بدأ النجم حسن حسني ياخد شكل مختلف في مسيرته الفنية
وبدأ يهتم بالتمثيل مع الجيل الجديد وكان زي شهادة "أيزو " لكل الأعمال
اللي بيشارك فيها بدأ مع محمد هنيدي وكمان ساعد "حمادة هلال " في أول
أفلامه وأحمد حلمي ومحمد سعد وغيرهم ممثلين بقوا دلوقتي نجوم شباك.
وده اللي خلى الكاتبة "حُسن شاه" تنتقده وتكتب "حسن حسني يمتلك موهبة عظيمة ولكنه يبددها في أفلام لا ترتفع لمستوى أفلام المقاولات".
ومن أهم أفلامه
"الفرح"، و"بوبوس"، و"اللمبي 8 جيجا"، و"إتش دبور"، وكتكوت و"ناصر 56" وغيرهم أفلام تانية كتير مميزة .
أما عن مسلسلاته
السبنسة) و(قهوة المواردي) و(بوابة الحلواني) و(يارجال العالم اتحدوا)
و(رأفت الهجان) و(ابن النظام) و(أين قلبي) و(أم كلثوم) و(رحيم).
ومن المسرحيات اللي شارك في نجاحها فيها، "لما بابا ينام"، "حزمني يا"، "عفروتو"، "جوز ولوز"، "اعقل يا مجنون"، "سكر زيادة".
رحم الله نجم الكوميديا الفنان الكبير حسن حسني بعد
مسيرة فنية استمرت حوالي 60 سنة امتعنا فيها بأجمل المسرحيات وأفلامه
المميزة ومسلسلاته اللي مش ممكن ننساها أبدًا.
