الفيلم الثالث "لص بغداد" بطولة " محمد إمام وأمينة خليل “ وبتدور أحداثه في جو من الإثارة والتشويق بين "يوسف وخالد ونادية" وإنهم بيدوروا على مقبرة الإسكندر الأكبر اللي بيدور عليها العالم من قرون طويلة .

 الفيلم الرابع "دماغ شيطان " وهنا بترجع رانيا يوسف للمنافسة مع باسم سمرة وأشرف طلبة عمرو عابد. بتدور قصته في إطار درامي ممزوج بالإثارة والتشويق حولين أسرة بيحصل ليهم حادث أليم، يدفعها للدخول في صراع كبير بين أفرادها، وده بسبب تورطهم في جريمة كبيرة . 

 هنستعرض معاكوا دلوقتي كمان الأفلام اللي إتوقف تصويرها بسبب الكورونا وهيرجعوا يصوروها من تاني . 

 أول فيلم "العنكبوت" وده بطولة للنجم أحمد السقا واتوقف تصويره فى شهر يناير بعد ماانتهوا من تصوير معظم احداثه وفاضل فيه بس أيام بسيطة ويتعرض والفيلم بيشارك فى بطولته منى زكى، وظافر العابدين، ويسرا اللوزى، و شيماء سيف ريم مصطفى، وبيظهر كمان محمد ممدوح كضيف شرف والفيلم من تأليف محمد ناير ومن إخراج أحمد نادر جلال. 

 تاني فيلم "مش أنا" بطولة النجم تامر حسنى وده كمان انهوا جزء كبير من تصويره قبل انتشار فيروس كورونا، والفيلم قصة وسيناريو وحوار تامر حسنى، وإخراج سارة وفيق وكمان بيشارك فى بطولته الفنانة حلا شيحة وماجد الكدوانى، وسوسن بدر، وحجاج عبد العظيم، وكمان عدد من الفنانين اللي يظهروا كضيوف شرف. 

ثالث فيلم "الخطة العامية" وده انتهوا من تصويره وفاضل بس أسبوع واحد ويكونوا انتهوا منه، والفيلم بطولة غادة عادل وعلى ربيع، وعمرو عبد الجليل، ومن تأليف أحمد عبد الوهاب وكريم كنز، وتدور احداثه حول محاولة على ربيع إنه يسرق بنك، وبتختلف احداثه من خلال الشخصيات المختلفة اللي بيلعبها. 

 رابع فيلم "هيكل نظمى" وده بطولة رامز جلال وكمان مستنيين يرجعوا للتصوير مرة تانية بعدما انتهوا من تصوير اكتر من نصه قبل مايتوقف في آخر شهر فبراير. بتدور حوالين شخصيه رامز جلال الصحفي وإنه بيتعرض لمشاكل وده خلاه يتحايل على الأزمات دي  والفيلم بطولة رامز جلال وغادة عادل وبيومى فؤاد وانتصار، ومن تأليف لؤى السيد، وإخراج محمود كريم.