أحلى هدايا لرجل برج الحوت

1– الهدايا الرومانسية :

مواليد برج الحوت شخصيات فى قمة الرومانسية و الرقة و عشان رجل برج الحوت هيخليكى دايما تحسى انك اميرة فى حياته و بيخدك لعالم من الحب و الخيال لازم تكون هداياكى كده برده . هيفرح جدا لو جبتله كتاب عن الشعر او قصص رومانسية قديمة و ممكن كمان قصص خيالية . ممكن كمان تجبيلوا افلام و روائع رومانسية قديمة على سى دى او دى فى دى .

2 – هدية مخصوصة ليه :

احلى هدية هيقدرها و يحبها تكون هدية معمولة بأيديكى ليه هو مخصوص .زى مثلا جواب حب جميل مكتوب بأيديك و تحطيه فى علبة جميلة مربوطة بفيونكه انتى عاملاها ويا سلام لو رشتى كمان العطرالمفضل ليه على العلبة . ممكن تفأجيه كمان بعمل طبق الحلويات المفضل ليه من ايديكى او تعمليله بلوفر صوف او شال .

3 – هدايا الروقان :

اختارى بنفسك سى دى لاغانيه المفضلة و كمان ممكن تزودى مع الهدية زجاجة العطر المفضلة ليه اللى بتكون مميزة و بتظهر شخصيته المائية زى العطور اللى فيها انتعاش مثلا خشب الصندل و العطور الفواحة .

4 – السفر :

رجل برج الحوت عاشق للطبيعة الساحرة و التمشية الطويلة وسط الزرع و الاشجار و على البحر كمان و كل دى حجات بتبعده عن الروتين و متاعب الشغل و الحياة اليومية . هتكون هدية رائعة لو حجزتيله رحلة فى مكان جميل يهدى فيه اعصابه و يبعد عن الدوشة وسط الطبيعة و خصوصا لو كان يخت وس المياه و جهزتى كمان عشاء رومانسى.

5 – الاقدام :

رجل برج الحوت حريص جدا على شغله و موحه و اكيد بيجيله وقت يكون مرهق من الحركة و الشغل الكتير . الاقدام بتشيل وزن الجسم كله و اكثر حاجة بتتعرض للارهاق الاول بتكون هى لو جبتيله احذية مريحة او طبية او كمان جهزتيله مساج للاقدام او جبتيله شرابات مريحة هتكون هدية جميلة بالنسباله و هتريحة كثير .