بدأ
التمثيل لما كان عنده 5 سنين سنة 1971 وفي الوقت ده كان ثلاثي أضواء
المسرح بيدوروا على أطفال علشان مسرحية «موسيقى في الحي الشرقي»
وقتها والده قرأ الإعلان في الجورنال وقدمله في الإختبار قدام جورج سيدهم
ونور الدمرداش والمخرج حسن عبد السلام، سألوه بتعرف تمثل؟ قال لاء طيب
بتعرف تغني؟ قال كمان لاء أمال بتعرف ترقص؟ وكمان رد وقال لاء قالوله أومال
جاي ليه ؟؟؟ رد وقال هما اللي جابوني هنا، ولقى نفسه في المسرحية ودي كانت
بدايته ».
وقال
إنه كان بيحاول يوفق بين التمثيل والدراسة لحد لما بقى في الصف الثاني
الثانوي وقتها كان حلمه يدخل كلية الطب ويبقى دكتور وحاول على قد مايقدر
يركز في المذاكره ورفض أدوار كتير لكن القدر لعب لعبته وفرقت معاه كلية
الطب على كام درجة فقرر يدخل كلية تجارة وبعدها درس علوم كمبيوتر بالجامعة
الأمريكية وإتخصص فيها وبعد تخرجه سافر لمدة 10 سنين واشتغل في الكويت
وحاليًا بيشتغل "إستشاري برمجيات".
إنتقالًا
لحياته الشخصية الطفب المعجزة "مدحت جمال " دلوقتي بقى أي ل 4 أبناء "أكبر
واحدة هى رنا عندها 21 سنة والثانية إنچي عندها 17 سنة والثالث ومحمد 7
سنين وآخر العنقود مروان عنده 4 سنين "
وأضاف إنهم ماعندهمش آي ميول للتمثيل لكن بنته الكبيرة رنا عندها موهبة
موسيقية ودخلت كلية التربية الموسيقية إتخصصت فى آلة الكامنجا.
مكانش
فيلم الحفيد الوحيد اللي شارك فيه الفنان مدحت جمال لكنه شارك في أفلام
تانية زي فيلم "حب أحلى من حب" و"وعادت الحياة" و"شياطين إلى الأبد.
وظهر كمان مسرحيات منها "موسيقى في الحي الشرقي ، جوليو وروميت" .
ومن المسلسلات "أوراق الورد، حدود الله ، على باب زويلة وكان ياما كان ".
Post a Comment