وزي ماقال الفنان يوسف وهبى وما الدنيا إلا مسرح كبير، وده اللي إتحقق مع الفنان "رياض الخولي " اللي نزل على مسرح المتزوجون بحصانة الأبيض وخطف قلب نفسية زوجة جورج سيدهم في المسرحية وتزوجوا في مسرح الحياة وأنجبت منه ٥ أولاد لكن الفنان رياض الخولي مش بيحب يتكلم أبدًا عن أولاده في أي لقاءات وعامل حالة من الخصوصية عليهم . 

 الجدير بالذكر إن رياض الخولي من مواليد سنة ١٩٥٣ إتخرج من معهد الفنون المسرحية سنة ١٩٧٦ وكان مدير للمسرح الكوميدي من سنة ٢٠٠١ ل ٢٠٠٧ وشارك في كتير من الأعمال الناجحة وكان آخر أعماله مسلسل سلسال الدم . 

 وعن أخت الفنانة راوية سعيد هى الفنانة الراحلة "ميرفت سعيد" كان حظها زي حظ أُختها مكانش ليها نصيب في أدوار البطولة لكن هى كمان كانت مميزة من خلال أدوارها . 

وظهرت كمان مع الفنان "إدوارد" في برنامجه القاهرة اليوم وكان باين على ملامحها التقدم في السن ومثلت مع إدوار نفس المشهد اللي مثلته مع جورج سيدهم وهى بتأكله البيض وأكلت إدوار البيض لدرجة إنه مكانش قادر يتكلم وقالتله إن إيديها فيها البركة . 

ومن خلال مداخله تليفونية في أحد البرامج حكت عن علاقتها بالراحل جورج سيدهم وقالت إنه في كواليس مسرحية المتزوجون كان لازم يجيبلهم كلهم أكل ويأكلهم في بؤهم وقبل كده في عيد ميلادها دبحلها خروف وإحتفل بعيد ميلادها مع كل زمايلهم وقالت كمان إنه كان جدع وكريم جدًا وصاحب صاحبه .

وكان أول أعمالها فيلم " التلاقي " سنة ١٩٧٤ وبعده "مسلسل دمعه على الرمال " 

 وبعدها شاركت في أعمال تانية زي "ليالي الحلمية وغداً تتفتح الزهور وسقطت في بحر وعصر الحب والأصدقاء " وغيرهم.