والمرة التانية تزوجت من الدكتور إيهاب عبد المعبود وانجبت بنتها الوحيدة "ليلة ". قالت ليلة بنتها الوحيدة إن والدتها كانت عايزة تتفرغ ليها وللعبادة فأعتزلت ولبست الحجاب ، وبالرغم من الإعتزال إلا إنها كانت علاقتها كويسة ببعض الممثلات في الوسط الفني منهم سميرة أحمد ونجلاء فتحي ونهلة سلامة وقالت كمان إن أصدقائها كانوا بيستشيروها في أعمالهم وكمان كانت بتحضر الحفلات والتكريمات ، وقالت كمان إن أحب الناس لقلبها هو الإعلامي مفيد فوزي وبنته حنان. 

 بدأت علاقتها بالفن من وقت مارجعت القاهرة وشافتها الفنانة نادية لطفي وطلبت منها إنها تشاركها فيلم "الزائرة" وكمان في نفس السنة شاركت الفنانة ناهد الشريف في فيلم "رحلة عذاب " وكمان شاركت في "أعظم طفل في العالم " والفيلم كان بطولة ميرفت أمين ورشدي أباظة وإخراج جلال الشرقاوي ومن بعده توالت عليها الأفلام.

 كانت الفنانة نادية بينها وبين عادل إمام علاقة صداقة قوية بدأت من وقت ماشاركوا بعض في فيلم أذكياء ولكن أغبياء وبعده فيلم الكل عاوز يحب وعلشان كده رشحها إنها تشاركه في فيلمه المشهور "حتى لا يطير الدخان " سنة 1984 اللي جسدت فيه شخصية البنت الأرستقراطية اللي بترفض حب عادل إمام بسبب الفرق الإجتماعي بينهم وده كان آخر عمل ليها ومن بعده إعتزلت التمثيل.

 ورحلت عن عالمنا بعد إصابتها بأزمة صحية إستمرت ثلاث سنوات من سنة 2005 وتوفت يوم 17 مايو سنة 2008 عن عمر يناهز 59 سنة إتوفت في لبنان لكنها وصتهم لما تتوفى تدفن في مصر وبناء على الوصية دي ادفنت في مصر .

 من أهم أفلامها " أريد حلا، ذكرى ليلة حب، من أجل الحياة، وتمضى الأحزان، انهيار، رحلة داخل إمرأة، ميعاد مع سوسو، إعدام طالب ثانوي " . 

وكمان شاركت في التليفزيون في مسلسلات كتير منها "أديب . برج الأكابر .إلا دمعة الحزن ريش على مافيش".