وكل التصريحات والأحداث دي أثارت غضبها جدا وده خلاها تصرعلى تمسكها بالتمثيل وتتعلم الفنون المسرحية. وبالفعل شاركت في عدد كبير من الأفلام والمسلسلات فى الستينات. وده كان من غير أي مشورة أو نصيحة من شقيقها الأكبر النجم اللامع أحمد مظهر. فبالرغم من صلة القرابة الوطيدة التي بتجمعهم مع بعض إلا انها حست بالوحدة والغربة وعدم الاستقرار في المجال ده.

ويبدو ان احمد مظهر في النهاية ارتضى بالامر الواقع وبدأ يعلن رضاه عن دخول شقيقته المجال ده بشرط انها تحتفظ بالأدب الأخلاقي المعروف في عيلتهم. وكمان عبر عن سرروه الشديد لما سمع بعض الأشخاص في السعودية بيشاوروا عليه ويقولوا ده أحمد مظهر أخو الفنانة فاطمة مظهر. وقال إن وصولها للمكانة دي والهة دي شيء يسعده جدا ويخليه فخور بيها وبأعمالها ونجاحها.


بدأت الفنانة فاطمة مظهرمسيرتها الفنية من خلال مسلسل «القاهرة والناس»، «ذهب مع الريح»،  «أبنائي‮ ‬الأعزاء شكرا» حتى «بابا عبده»، وكتير من الأعمال السينائية والمسرحية وتركت بصمة واضحة في كل عمل قدمته وبالرغم من النجاح الكبير ده، إلا إنها فضلت الابتعاد عن مجال الفن بالكامل بهدوء. وده خلى الإشاعات تنتشر بأن احمد مظهر الشقيق الغاضب هو السبب في اعتزالها. ولكن توقف الكل عن الكلام لما خرجت فاطمة وأعلنت رسميا إنها تركت مجال الفن بإرادتها الكاملة ومن غير ضغط من أي حد.

وقالت برضو إن سبب اعتزالها هو رفضها لتقديم أي تنازلات او التخلى عن المبادئ اللي اتربت عليها. واكتفت بالمجموعة الفنية الي قدمتها وقالت إن ده أفضل بكتير من تقديم أشياء تافهة وسفيهة. وإن أي نجم من النجوم اللامعة ممكن يتعرض للموقف ده، وهيكون الاعتزال وقتها هو الحل الأمثل عشان ميفقدش شعبيته.

وأخيرا اعتبرت فاطمة مظهر نفسها محظوظة جدا لأنها شاركت في اعمال عظيمة مع عمالقة التمثيل وإن شقيقها بالرغب من عدم مساعدته ليها بيعتبر فخر ليها وللعائلة.