طريقه عمل فته الكوارع على اصولها بالصور
اسهل وافضل طريقه لعمل فته الكوارع بالصور
مقادير فته الكوارع
لسلق الكوارع
لعمل الصلصه
- 5 فصوص ثوم مفرومين
- سمنه او زيت
- عصير طماطم
- معلقتين كبار صلصه طماطم
- معلقتين كبار خل
للفته هنحتاج الى
- قطع من الخبز مقطعه متوسطه
- ارز ابيض مطبوخ
خطوات تحضير فته الكوارع
- اول خطوه هنسلق الكوارع فى ميه بتغلى وفيها ورق لورى ومستكه وحبهان وفلفل اسود وبصل مقطع
- نسيب الكوارع تستوى على نار متوسطه لحد ما تستوى تماما وتفصل من العضم
- لعمل الصلصه على النار طاسه فيها زيت او سمن اول ما يسخنوا ننزل بالثوم المفروم
- اول ما الثوم ياخد لون اصفر جميل ننزل عليه بالخل وبعدين عصير الطماطم
- نضيف صلصه الطماطم
- ونضيف ملح وفلفل والبهارات اللى متاحه
- نسيب الصلصه تتسبك على نار هادئه
لتحميص العيش
- هنرش على العيش رشه بسيطه من الزيت ونفرده فى صاخ وندخله الفرن لحد ما يتحمص وناخد بالنا ميتحرقش
تكوين طبق فته الكوارع
- هنحضر سرفيس كبير ونحط جواه العيش المحمص ونسقيه بشوربه الكوارع بس ما نشربش العيش اووى عشان ميعجنش
- نغرف الارز الابيض فوق العيش المحمص ونفرده كويس ونحط عليه كبشه بسيطه شوربه
- هنضع الصلصه اللى عملناها فوق الارز الابيض ونضع فوقيها قطع الكوارع المخليه وبالف هنا وشفا على قلوبكم
إرسال تعليق