طريقه عمل كفته الفراخ المقليه والمشويه بطريقه سهله جدااااااااا بالصور
اسهل طريقه لعمل كفته الفراخ المقليه والمشويه والطعم حكايه بالصور
مكونات كفته الفراخ
- نصف كيلو صدور فراخ او بانيه
- بصله كبيرة
- 2 فص ثوم
- ملح
- نصف معلقه صغيره فلفل اسود
- نصف معلقه صغيره بهارات
- رشه بقدونس اخضر
للقلى
- دقيق
- بيض
- بقسماط
- زيت
خطوات تحضير كفته الفراخ المقليه
- هنفرم صدور الفراخ او البانيه فى الكبه ونحطها فى طبق كبير
- هنفرم البصل والثوم مع الملح والفلفل والبهارات فى الكبه كويس
- هنضيفهم كلهم على الفراخ المفرومه ونضيف رشه البقدونس ونخلطهم كويس جدا مع بعض
- هنشكل الكفته اصابع او كور حسب الرغبه
- هنغلف الكفته بالدقيق وبعدين البيض وبعدين البقسماط ونسيبها ترتاح شويه فى الثلاجه
- هنقلى الكفته فى زيت سخن وغزير ونقدمها ساخنه وبالف هنا
خطوات تحضير الكفته المشويه
نفس الخطوات السابقه هنفرم كل المكونات ونشكلها كور او اصابع حسب الرغبه بس
هندخلها فى صنيه ممسوحه بالزيت فرن سخن لمده ربع ساعه ونشغل الشوايه بعد
السوا عشان تاخد لون دهبى جميل والخطوه دى لاصحاب الدايت
إرسال تعليق