طريقه عمل محشى الكرنب خطوه بخطوه بالصور
محشى الكرنب من الالف للياء والنتيجه طعم وريحه جناااااان
مقادير محشى الكرنب
- كرنبه
- زيت او سمنه
- بصل مفروم
- ثوم مفروم
- عصير طماطم
- ملعقه كبيره صلصه طماطم
- ارز
- شبت وكسبره وبقدونس مغسول ومقطع بالسكينه
- ملح وفلفل اسود
- كمون
- كسبره ناشفه
- بهارات مشكله
اول خطوه تجهيز الكرنبه
- شيلى الورق الاخضر اللى على الكرنبه من بره
- فصصى الكرنبه بالسكينه ورقه ورقه
- اشطفى الورق كويس بالميه
تانى خطوة خطوه سلق الكرنب
- حطى حله على النار فيها مايه ومعلقه ملح ومعلقه كمون وسيبيها تغلى
- نزلى ورق الكرنب فى الميه المغليه بحيث يوصل لنص سوا
- شيلى الورق من الميه المغليه واشطفيه بميه من الحنفيه تانى
- بعد متخلصى سلق كل الورق قطعى الورق لقطع بحيث تكون كل قطعه على اد صوباع المحشى
تالت خطوه تحضير تسبيكه المحشى والخلطه
- فى حله على النار حطى زيت او سمنه ولما يسخنوا كويس حطى البصل لحد ما يدبل ويصفر
- انزلى بالطماطم المعصوره والمتصفيه وقلبى كويس
- ضيفى صلصه الطماطم والبهارات والملح والفلفل والكمون والكسبره
- سيبهم يتسبكوا كويس لحد ما الزيت يظهر على وش التسبيكه
- بعد ما تتسبك كويس شيليها من على النار وضيفى لها الارز المغسول والمتصفى واخلطيهم كويس
- ضيفى لهم الشبت والكسبره والبقدونس واخلطى وهنا تبقى الخلطه جاهزة للحشو
رابع خطوه لف المحشى
- حضرى الحله اللى هتحشيى فيها ورصى فيها شرايح بصل وطماطم وفلفل بيدوا طعم جنان للمحشى
- خدى ورقه من ورق الكرنب اللى مقطعينه وحطى على طرفها معلقه صغيره من خلطه المحشى
- لفى الورقه على الخلطه كويس عشان الحشوة متخرجش منها واحنا بنسويه
- رصى صوباع المحشى فى الحله وكررى العمليه لحد متخلصى كل الكميه
خامس خطوه تسويه المحشى
- نحضر الشوربه اللى هنسقى بيها المحشى سواء شوربه لحمه او فراخ او بط ولو مفيش شوربه يبقى مايه مغليه فيها ملح وفلفل وبهارات ومرقه دجاج
- حطى الشوربه او المايه المغليه على المحشى بحيث متغطيش وش المحشى بالشوربه اووى يكون لحد اخر سطر بالضبط
- سيبى المحشى على نار عاليه لحد ما يغلى ويتكتك وبعدين وطى النار عشان يستوى براحته لمده 45 دقيقه
- اتاكدى من ان المحشى استوى بانك تاخدى صوباع وتشوفى الرز جواه استوى كويس ولا لسه
- قدمى المحشى سخن والبخار طالع منه وبالف هناااا
إرسال تعليق