انثى برج الحوت من الشخصيات الرقيقة جدا و اللى بتعشق السحر و الخيال و بتهتم جدا بالمشاعر الرقيقة و الحب و بتقدر جدا اى حاجة تظهر مشاعرك و حبك ليها تعالوا نقرأ ايه هى انواع الهدايا اللى مكن تحبها انثى برج الحوت ….
1 – الهدايا الرومانسية:
انثى برج الحوت شخصيتها رومانسية و عاطفية جدا و بتقدر جدا الحجات اللى بتعبر عن حبك ليها من غير ما تكون حاجة مادية او قيمتها كبيرة . من الهدايا الجميلة اللى هتحبها رسائل الحب اللى كلها اشعار و كلمات رقيقة مكتوبة بخط اليد . كمان ممكن حاجة مادية شوية بس تكون رقيقة و رومانسية زى الاكسسوارات و البروش و الخواتم اللى بيكون فيها لؤلؤ و احجار كريمة رقيقة و صغيرة و كمان الانجيرى الابيض اللى بيزينه الدانتيل بيكون هدية خاصة و جميلة.
2 – الهدايا المبتكرة:
انثى برج الحوت بتحب اوى الهدايا المبتكرة المصنوعة باليد و بمجهودك الشخصى زى مثلا سى دى اغانى هى بتحبها او مثلا قطعة اثاث مصنوعة مخصوص عشانها زى مرايا مزخرفة او طرابيزة قهوة صغيرة معمولة يدويا او لوحة فنية جميلة . ممكن تفاجأها كمان بأكلة حلوة بتحبها معمولة ليها مخصوص و عشاء رومانسى على اضواء الشموع الجميلة . لو فى تذاكر لعرض مسرحى او غنائى او باليه هتكون مفأجاة رائعة ليها .
3 – الغموض:
البرج ده بيحب جدا اى حاجة فيها غموض او مفأجات يعنى لو الهدايا و خبيتها فى مكان و دورت هى عليها او مثلا لفيتها فى كذا علبة و شكل او لو جبتلها كتب بتتكلم عن السحر و النفس و الروايات الخيالية او كتب عن تفسير الاحلام هتكون مبسوطة اوى لان دى من اهتمامتها.
4 – هدايا الدلع:
هتكون فرحانة اوى لو جبتلها حجات تهتم بيها بنفسها زى الزيوت العطرية و الكريمات و اكسسوارات الاستحمام المختلفة و هتحققلها حلم كبير لو حجزتلها فى جلسة مساج او جلسة تجميل فى اى صالون او كوافير.
5 – البحر:
اجمل حاجة انثى برج الحوت هتكون فرحانة بيها هى حجز رحلة او سفر فى اى مكان فى بحر او مياه لانها بتحتاج تبعد عن الدوشة و الحياة اليومية و بتدور دايما على مكان فيه هدوء و راحة و مكان تقدر تهرب فيه بحكم طبيعتها اللى دايما بتهرب من الواقع فدى هتكون بالنسبة ليها هدية رائعة و جميلة و ياسلام لو المكان متجهز لعشاء رومانسى هتكون حاجة اجمل.
Post a Comment