انثى برج القوس قمة الثقة بالنفس و التفاؤل ..بتحب تستكشف الناس اللى حواليها و بتحب تستكشف الحياة, متكلمة لبقة جدا و مستقلة و ذكية و لماحة. و عشان هى انثى مميزة جدا لازم ليها هدايا مميزة جدا تعالوا انهاردة نعرف ايه هى اكثر الهدايا المناسبة لانثى برج القوس …
1 – مدينة الملاهى :
انثى برج القوس شعلة من الطاقة و الحماس لانها برج نارى و بتعشق المفأجات و اى حاجة فيها اكشن من الهدايا الممتعة بالنسبة ليها رحلة لمدينة الملاهى و انكم تستمعوا سوا بالالعاب الخطيرة المجنونة و سباق السيارات و غيرها بس خلى بالك ان الرحلة تكون ممتعة ليك و ليها لانها بطبيعتها الحساسة ممكن تضايق جدا لو حست انك مش مبسوط من المكان زيها و هتبدأ نحس بالذنب و هتفقد المتعة و المرح اللى كانوا فى اليوم .
2 –كتب فى الفلسفة و العلوم :
على الرغم من حبهم للمرح و الضحك الا انهم جواهم شخصيات عميقة بتحب جدا التفكير و البحث و الثقافة خصوصا فى الفلسة و علم النفس و علوم البيئية انثى برج القوس هتكون سعيدة جدا بهدية مكونة من كتب فلسفية عميقة بتبحث فى اصل الحياة و البشر و ممكن كمان لو متاح تحجزلها فى ندوة او مؤتمر عن الحجات دى .
3 – الفسح و المغامرات :
البنات فى البرج ده بيحبوا جدا يتحركا كتير و الخروج بالنسبة ليهم متعة رائعة زى التمشية و الجرى و تسلق الجبال و المخيمات و ممكن كمان ممارسة الرياضات المجنونة اللى موجودة فى بعض الاماكن فى مصر زى القفز من الجبال بالحبال و القفز من الطيارات كمان و ممكن لو خدتها فى مكان فيه رقص هتتبسط جدا و خصوصا لو كمان بيقدم مأكولاتها المفضلة زى الاكل اللبنانى .
3 – الرحلات و السفر :
اسهل طريقة لنيل رضا انثى برج القوس انك تحجزلها فى مكان و تسافروا ! بتحب هى جدا تحضير الشنط و ترتيب مغامرات اليوم و الاماكن و الناس الجديدة اللى هتشوفوها سوا و ممكن تكون لفتة لطيفة لو مع تذاكر السفر تجبلها شنطة سفر شيك او اى حاجة من لوازم الرحلة زى الكاميرا عشان تشبع فضولها و عشقها للمغامرة .
4 – العطور و الاكسسوار :
لو عايز تخلى هديتك فيها رومانسية اكثر ممكن تشتريلها عطر بيعبر عن شخصيتها المنطلقة زى العطور اللى فيها رائحة الفاكهة او الليمون او خشب الصندل و ممكن كمان تشتريلها اكسسوارات شكلها جديد و مختلف و فيها احجار كريمة مناسبة للشهر اللى اتولدت فيه .