شخصية قوية وطموحة ومستقلة واقعية وعملية، هدومها غالبا فورمال او كلاسيك، لو عندك فضول تعرفي شكل دولاب هدوم انثى برج الجدي يبقى اقرأي الموضوع ده معانا واحنا حنتكلم عن استايل هدوم انثى برج الجدي وطريقة لبسها والوانها المفضلة، وطبعا موضوع الاستايل ده بيفرق من شخص لشخص ومن ذوق لذوق لكن في صفات عامة مشتركة بين مواليد برج الجدي نقدر نلاقيهم في هدوم انثى برج الجدي

قطع الملابس العملية

انثى الجدي من الناس اللي بتقدر اوي العمل والحياة العملية عشان كده بتهتم بالملابس الخاصة بالشغل فأيا كان مجال الشغل بتاعها هي عندها مجموعة من الملابس الخاصة اللي بتستخدمها في المقابلات المهمة او لو عندها ميتنج شغل او غيرها من القطع اللي تنفع في الظروف العملية.

تنظيم الموديلات على حسب المناسبة

من الصفات المميزة جدا لأنثى الجدي اثناء ترتيب دولابها انها مرتبة قطعة مناسبة لكل ظرف موجودة كده وتحت الاستعداد على طول زي مثلا كارديجان خريفي بلون محايد ينفع لخروجه مفاجأة، او تايور فورمال متحضر ومنسق مع بلوزة تليق معاه عشان اي ميتنج او سهرة عمل مش متحضر لها وغيرها من القطع الموجودة والي بتنسقها عشان المناسبات المفاجأة

ركن السهرات

انثى الجدي شخصية اجتماعية بالرغم من الشخصية العملية الجادة اللي بتتمتع بيها الا ان السهرات والخروجات الاجتماعية موجودة كمان على جدولها وبرضه حنلاقي في دولابها مجموعة من الهدوم الشيك الانيقة للمناسبات والسهرات غالبا الخامات اللي بتعتمد عليها في الاستايلات دي خامات انيقة زي الحرير والشيفون والجلد مش السواريهات التقليدية لكن مجموعة مميزة من الملابس اللي بتعتمد عليها في سهراتها سواء كانت السهرة دي في بيت او في قاعة او في مطعم الا ان دايما هدوم السهرة بتاعتها انيقة وبعيدة عن الابتذال

هدوم الرياضة والتمرين

من صفات انثى الجدي حبها للخروج في الاماكن المفتوحة خاصة في النهار لأنها بتحب الشمس والخروج في الهواء الطلق وعشان كده دايما بتلاقي عندها هدوم خاصة تقدر تستخدمها في الخروجات الرياضية يعني تمشية في الشمس او جري في التراك او غيرها من الانشطة الرياضية اللي بتحب تمارسها خارج الجيم او الصالات الرياضية عشان كده تلاقي في دولابها بنطلون رياضي او سويت شيرت او ترننج ينفع لممارسة الانشطة الرياضية في الاماكن المفتوحة

لمسة الاناقة

مهما اتكلمنا عن حب انثى الجدي للتنسيق والظهور بمظهر المراة الناجحة العملية كلامنا مش حينتهي، دايما دولاب انثى الجدي مليان من القطع المناسبة للمظهر ده يعني مع وجود الجينز والتي شيرت في الدولاب وغيرها برضه حتنسق بنطلون من القماش وجاكيت من الصوف الكلاسيك او بلوزة حرير ومهما كان الموقف سواء على استعجال او لأ حتلاقي انثى الجدي تعرف ازاي تنسق تركيبة انيقة وملفتة بمظهر عملي وجذاب وكأنها وقفت ساعات تأنق من المظهر ده

يعني لما تلاقي دولاب مليان هدوم شيك ومرتبة ومظهرها عملي ويحسسك بالنجاح والشياكة اعرفي على طول ان ده استايل هدوم انثى برج الجدي وتقدري كمان تعرفي معلومات اكتر عن صفات برج الجدي