مواليد برج الدلو من الشخصيات المعروف عنها انها قوية جدا المليانة طاقة وحماس واللى بتتميز كمان بجاذبيتها الشديدة …ان و عشان كده ثى برج الدلو شخصية استثنائية و مستقلة و اهتمامتها مختلفة عن اى بنت . تعالوا اعرفوا معانا ايه اكثر حجات بتحبها .اقرأوا معانا عن احلى هدايا أنثى برج الدلو …

1 – الكتب :

انثى برج الدلو بتهتم جدا بالثقافة و المعرفة و تعتبر شخصية ذكية و متفتحة العقل و بتحب تعرف عن كل حاجة حواليها . هاتلها هدايا كتب كثير من الانواع اللى بتحبها زى كتب فى العلوم و السفر و القضايا الاجتماعية و ابعد عن الكتب اللى تعتبر مملة بالنسبة ليها زى الروايات الرومانسية و الكتب التاريخية و لا الخيال العلمى و ممكن كمان توديها حفل توقيع كتابها المفضل فى اى مكتبة او مركز ثقافى .

2 – الملابس الكلاسيك :

البنات فى البرج ده بيهتموا جدا بمظهرهم و انهم يكون شكلهم شيك و انيق حتى لو مش ماشيين على الموضة و بيلجأوا او بيفضلوا اكثر الملابس الرسمية شوية زى الجاكت و البنطلون . ممكن تجيبلها لبس جميل بالالوان اللى هى بتحبها زى الفوشيا و الازرق و الرمادى او اى لون قوى يظهر شخصيتها .

3 – الاكسسوارات المميزة :

حب جدا تكون مختلفة عن الاخرين و مش بيفرق معاها تمشى على الموضة او تلبس حاجة غالية زى الالماس بس ممكن تجيبلها هدية عبارة عن اكسسوارات غير تقليدية مستوحاه من الفن الافريقى مثلا او استايل المودرن المميز زى خاتم او اسورة ملونة ومختلفة .

4 –  الاجهزة الاليكترونية :

على الرغم من ان بنات كتير مش بتفضل الاجهزة التكنولوجية  الحديثة او مش بتعرف تتعامل معاها الا ان انثى برج الدلو مختلفة عنهم و دى بالنسبة ليها هتكون هدية مميزة . ممكن تجيبلها اى باد او مثلا جهاز جى بى اس للعربية او كاميرا ديجيتال حديثة لانها بتحب اطتشاف اى حاجة جديدة تتحدى تفكيرها .

5 – اهتمامتها الانسانية :

الشخصيات فى البرج ده بيحبوا يهتموا بأى حجة يساعدوا بيها الناس و المجتمع و بيهتموا بالبيئة و الحيوانات جدا . ممكن تجيبلها حاجة صديقة للبيئة زى الكوبايات اللى اعاد تصنيعها او تى شيرت عليها شعارات بيئية و ممكن توديها تقضى يوم فى ملجأ للحيوانات لانها هتكون سعيدة جدا انك بتهتم بنفس اهتمامتها و مقدر للى هى بتعمله و اهميته .