زى ما قبل كده اتكلمنا عن مميزات برج القوس و اد ايه اصحاب البرج ده بتميزوا بالتفاؤل و الصراحة و حب الخير النهاردة جايبنلكم الوجه الاخر لبرج القوس و هنتكلم عن شوية عيوب فى شخصية اصحاب البرج ده تعالوا اتعرفوا معانا  اكثر علي عيوب برج القوس فى السطور الجاية..نتمني إن كل أصحابنا مواليد برج القوس ميزعلوش مننا ويتقبلوا الكلام ده بروح رياضية ومن غير زعل، ونتمنى لو الحاجات دي تقدر تساعد الناس من الابراج التانية على تفهم طبيعة مواليد القوس وتحل شوية من اللخبطة اللي كانوا بيقابلوها اثناء تعاملهم معاهم..:) … يلا نبدأ؟

عيوب برج القوس

1 – الصراحة الجارحة و عدم اللباقة:

مواليد برج القوس ممكن توصل بيهم الصراحة لمشاكل كتير جدا لانهم احيانا بيجرحوا الناس اللى قدامهم و مش بيفكروا فى كلامهم قبل ما يتكلموا وساعات كتير بيقولوا كلام مينفعش يتقال و بيندموا عليه, لو جربوا يتكلموا بطريقة فيها مجاملة ورقة اكثر ويفضلوا برضة صرحاء, وقتها ممكن العيب ده يتحول لميزة.

2 – عدم التركيز و قلة الاهتمام:

مواليد برج القوس مش بيركزوا في كل تصرفاتهم وبيتعاملوا في مواضيع كتير مع اللي حواليهم كأنها أمر مفروغ منه, وبياخدوا قرارات ممكن تسببلهم مخاطر غير ضرورية وتعرضهم لمشاكل فى المستقبل ,و الطريقة دى فى الحياة بتعرضهم للانتقاض كثير من الناس اللى حواليهم لانهم بيعيشوا كأن مش فارق معاهم حاجة  فى الدنيا, نقدر نقول انهم “متهورين”.

3 – قلة الصبر:

كلمة صبر مش موجودة فى القاموس بتاع مواليد برج القوس عشان عايزين كل حاجة تحصل فى الوقت اللى عايزينه علاطول و  دايما الطاقة بتاعتهم مش بيوظفوها صح و بيستهلكوا طاقتهم فى حجات مش هتفيدهم فلما يكونوا عايزين حاجة تحصل مش بيستنوا و يصبروا عليها تحصل ابدا و بيكونوا مرهقين وغير صبورين دايما على النتايج لاى مشروع فى الحياة مستنينه.

4 – الحكم بالظواهر “السطحية”:

من عيوب مواليد برج القوس السطحية اللى بتخليهم يهتموا بالمظاهر كأنها اهم حاجة بتحدد طبيعة الشخص و الاشياء اللى قدامهم وده بيبقي نتيجة قلة صبرهم اللي بتخليهم مش بيبوصوا على الامور بنظرة عميقة تخليهم يعرفوا و يفهموا حقيقة الامور.

5 – الثقة الزيادة بالنفس:

ساعات بيكون عندهم ثقة بالنفس زيادة جدا بتوصل لحد الغرور الغير مستحب اللى بيضايق و يبعد ناس كثيرة من حواليهم و بيفتكروا ان عمرهم ما هيكونوا غلط او يفكروا فى حاجة مش صح ولا ياخذوا اى قرارات غلط.