المكوّنات

الكيكة


2 بيضات

4 مغارف سكر

4 مغارف زيت

4 مغارف حليب

فاني

وحدة خميرة الحلويات

3 مغارف فرينة

زوج مغارف كاكاو

نسقيو بكاس حليب مع مغرفة كابوتشينو

كريمة الكابوتشينو

زوج مغارف نيسكافي

زوج مغارف ماء

زوج مغارف ونص سكر

½ كاس كرام شونتي

½ كاس حليب

120 غ كرام فراش


100 غ شكولاطة

الخطوات



نطلع البيض و سكر و نضيف الزيت و لحليب و نضيف الفرينة و الكاكاو و لخميرة و نخلط نضعها في المول و نلوحها طيب ١٠ الى ١٢ دقيقة



منبعد نطلع كريمة الكابوتشينو من افضل نستعمل برا ميكسور و الطاس تاعو نحط سكر و نسكافي و الماء و نخفق حتى تطلع كريمة متماسكة و نطلع الشونتي و نضيف زوح ملاعق من كريمة الكابوتشينو للشونتي و نخفق و نذوق منكثرش باه متجيش مرة






كي تطيب الكيكة نسقيها بكاس حليب بارد نذوب فيه مغرفة من لكريمة لي طلعناها و نخليها تبرد ثم ندير طبقة من الشونتي



نذوب الشكولاطة و نضيفو عليها كرام فراش و نخلطو حتى تبرد و نضيف الطبقة الثلثة تاع الغاناش و التزيين اختياري












نخليها تبرد و نقدمها و شهية طيبة و الكابوتشينو لي قعدتلي غليت لحليب و درتلو زوج مغارف سكر و كبيتو عليها جات بنينة تهبل