"يا بمبة كشر يا لوز مقشر"، الجملة دي كانت مطلع لواحد من أبيات المدح اللي إتقالت لواحدة من أشهر الراقصات اللي عرفتهم مصر في القرن العشرين هى "بمبة كشر " أو "ست الكل" زي ما لقبوها اللي عشقوا فنها فتعتبر بمبه كشر واحدة من أجمل نساء جيلها وليها. تاريخ طويل مع الرقص الشرقي. 

تقريرنا عن الفنانة بمبة كشر وتفاصيل عن حياتها ومين هى عائلتها العريقة وعدد الرجال في حياتها تابعونا.. 

إتولدت بمبة سنة 1860 في واحدة من أشهر عائلات مصر فجدها لوالدها هو السلطان مصطفي كشر واحد من أعيان مصر في القرن الـ"18" ووالدها هو الشيخ أحمد مصطفى واحد من أشهر قارئي القرآن الكريم في مصر أما والدتها فكانت حفيدة سلطان مصر المملوكية "الأشرف أيتال". 

ممكن تستغربوا من منظر حاجبيها أو من مقدار جمالها لكن بالنسبة للعصر اللي كانت موجودة فيه كانت مصر متأثرة بمقاييس الجمال في "ﺍﻟﺪﻭﻟﺔ ﺍﻟﻘﺎﺟﺎﺭﻳَّﺔ"، اللي كانت في بلاد فارس فكان ﻣﻌﻴﺎﺭ ﺍﻟﺠﻤﺎﻝ وقتها بالحاﺟﺒﻴﻦ ﺍﻟﺴﻤﻴﻜﻴﻦ ﺍﻟﻤﺘﺼﻠﻴﻦ، ﻭﻛﺎﻧﺖ نساء ﺍﻹﻣﺒﺮﺍﻃﻮﺭ ﺍﻟﺘﺎﺑﻊ ﻟﻠﻤﻠﻚ ﺍﻟﻘﺎﺟﺎﺭﻱ (ﻧﺎﺻﺮ ﺍﻟﺪﻳﻦ ﺷﺎه ) بيستخدموا ﻣﺴﺘﺤﻀﺮﺍﺕ ﺍﻟﺘﺠﻤﻴﻞ ﻟﺮﺳﻢ ﺍﻟﺸﺎﺭﺑﻴﻦ ﻭﻭﺻﻞ ﺍﻟﺤﺎﺟﺒﻴﻦ ﻓﻲ ﺣﺎلة إفتقارهم لهذه ﺍﻟﻤﻮﺍﺻﻔﺎﺕ ﺍﻟﺠﻤﺎﻟﻴﺔ ﺍﻟﻼﻓﺘﺔ. 

بعد وفاة والدها سنة 1874 كان عندها 14 سنة تزوجت والدتها من القارئ الشيخ إسماعيل شاه وكان القارئ الخاص للخديوي توفيق لكن بمبه وأخواتها رفضوا الزيجة وقرروا مقاطعة الأم وإستقروا في الحسين وكانت ساكنه في البيت اللي جنبهم واحدة من أشهر راقصات تركية كان إسمها " سلم" فقربت منها بمبه وإشتغلت معاها في تقديم الموشحات المصرية وهنا كانت بدايتها 

ولما بقى عندها 20 سنة إنفصلت عنها وأسست فرقة خاصة بيها وبسرعة ذاع صيتها وبقى في منافسة بينها وبين شفيقة القبطية . 

وإتعرفت بمبه من خلال رقصها وهي حاملة صينية مليانة فلوس و ذهب وكمان هى أول من نظمت مهرجان أطلقت عليه اسم "حفلات الزار " وكان يقام سنويًا.

وتعتبر أول راقصة ساهمت في إنتاج أول فيلم روائي صامت إسمه " برسوم يبحث عن وظيفة " سنة 1923  بيحكي عن الفقر والجوع في الفترة دي وكان الفيلم هيقف لما أسرة المنتج قررت الحجر عليه علشان تمنعه من تقديم الفيلم لان كان حاجة غريبة في الفترة دي لكن بمبه ضحت بمجوهراتها وساهمت بخروج الفيلم للنور . 

ولما كان عندها 60 سنة شاركت في أفلام ليلى بنت النيل. 

إنتقالا لحياتها الخاصة فتزوجت بمبة كشر سبع مرات 

وأول أزواجها شخص عنده حمار وكان بيوديها ويجيبها حسب برنامج الراقصة " سلم " في بدايتها لكن بسرعة إنفصلت عنه ، وتزوجت للمرة التانية من الفنان سيد الصفتي واحد من تلاميذ الفنان أبو خليل القباني 

والثالث من "توفيق النحاس إبن شهبندر التجار" وهو الوحيد اللي أنجبت منه ولد وبنت وهما "حسن وخديجة أما الرابع واحد من أعيان صعيد مصر وكان مهرها 60  فدان ،" والمرة الخامسة من شخص غني جدا غمؤها بالذهب والأموا لكنها محبتهوش وإنفصلت عنه ، والسادس تزوجت من عازف القانون في فرقتها 

أما السابع وهو آخر أزواجها وهو واحد من أعيان القاهرة 

واهداها حنطور وكتب أسمها عليه لتكون ثاني فنانة بعد شفيقة القبطية تركب الحنطور وكانت لما بتركبه يمشى أمامها مجموعة من الرجال يفسحون لها الطريق. 

وتوفت بمبه كشر سنة 1930 عن عمر يناهز 70 سنة 

وسنة 1974 قامت الفنانة نادية الجندي ببطولة فيلم إسمه " بمبه كشر " بيحكي عن قصة حياة ست الكل.