إتولدت الفنانة عزة كمال في القاهرة يوم 28 يناير سنة 1952 عمرها حاليًا 68 سنة .
إتخرجت من معهد الفنون المسرحية سنة 1974.
بدأ حبها وإنشغالها بالفن من وقت ما كانت طفلة مع التليفزيون وبرامج الأطفال وكانت بتمثل وبتغني.
وظهرت بعدها في أدوار مسرحية لحد لما شاركت في فيلم غابة من السيقان سنة ١٩٧٤ لحسام الدين مصطفى، والوفاء العظيم لحلمي رفلة ومن هنا بدأت نجوميتها.
وفي السبعينات شاركت في العديد من الأعمال التليفزيونية والسينمائية ومنها ومضى قطار العمر، عندما يسقط الجسد، المطارد وغيرها من الأعمال.
وقدمت أقوى أدوارها سنة1988 من خلال مسلسل "وعاد النهار" مع الفنان مصطفى فهمي اللي لعبت فيه دور "يسريه " اللي بترفض حب أحمد عبد الوارث وبيخدعها مصطفى فهمي وبتشاركه جريمة سرقة وبعدين هيتجوز واحدة تانية ومن هنا بقى بتبدأ رحلة إنتقامها .
وفى التسعينيات تفرغت للعمل المسرحي، وفى بداية الألفية الجديدة قدمت دور في فيلم الرغبة سنة ٢٠٠٢ لعلى بدرخان بعدين اختفت واعتزلت الفن.
غابت عزة عن جمهورها والتمثيل لفترة طويلة زيها زي ممثلين كتير فشلوا إنهم يوصلوا لدور البطولة وبعد غياب لسنين طويلة ظهرت الفنانة عزة كمال في صورة انتشرت علي السوشيال ميديا بتغير واضح في ملامحها .
وعن أشهر مسلسلاتها قدمت غريب في المدينة ، وعاد النهار ، زوجات صغيرات ، أبرياء في قفص الإتهام وسكة الصابرين ، القاهرة والناس .
أما في السينما شاركت في كتير من الأفلام منها شاطئ العنف ، الوفاء العظيم ،سري جدًا ، المطارد وغيرهم أفلام تانية .
وعن مسرحيتها شاركت في الكذابين أوي ، الثعلب في الملعب ، طب وبعدين وخمس نجوم".
من قسم :-
اخبار الفن