أحدث ظهور للفنانة ناهد رشدى "سنية" فى لن أعيش فى جلباب أبى بعد 24 عام ومن هى إبنة أخيها الفنانة الشهيرة
رجعت الفنانة ناهد رشدي بعد 24 سنة من مسلسل لن أعيش فى جلباب أبى ظهرت تاني من جديد بعد أما انقطعت عن عملها السينمائى والدرامى رجعت بذكرى فرح “سنية” واللي عرفها الجمهور بيه وتألقت من خلاله هنستعرض معاكوا محطات في حياتها الفنية وإيه هى علاقتها بالفنانة داليا مصطفى وسبب إبتعادها عن الساحة الفنية.
إتولدت في القاهرة يوم 14 سبتمبر سنة 1965.
من صغرها وهى بتحب التمثيل فقررت تقنع أهلها إنها تدخل عالم التمثيل ودخلت المعهد العالي للفنون المسرحية وإتخرجت سنة 1982.
بدأت مسيرتها الفنية من قبل ماتدخل المعهد وكملت كمان أثناء وجودها فيه لكن كانت بتقدم أدوار ثانوية لحد لما عملت دور سنية ف مسلسل " أرابيسك " والدور ده كان نقله كبيرة في مشوارها الفني ومن بعده قدمت أهم أدوارها في " مسلسل هوانم جاردن سيتي ""لن أعيش في جلباب أبي " " النساء قادمون "" الفرار من الحب "المرأة في الإسلام".
وعن أعمالها في السينما قدمت "الحالمة ، هى في حياة الرسول ،الزوبعة ، مع خالص تحياتي ،الأستاذ" .
وكمان قدمت عدد من السهرات التليفزيونية وبعدها غابت عن الساحة الفنية ورجعت بدور الأم .
وعن سر غيابها عن الساحة الفنية قالت إنه بيرجع لعدة أسباب منها مشاكل صحية بعدتها فترة عن التمثيل لكن عدت والحمدلله ومش بتحب تتكلم عن تفاصيلها والسبب التاني أولادها لإنها كانت بتهتم بيهم وخصوصًا في فترة المراهقة وإن فرق السن بينهم 5 سنوات وكان لازم تهتم بيهم حسب فترة عمرهم .
وقالت عن قرار عودتها إنه مكانش سهل أبدًا بالنسبالها الرجوع وكانت خايفة جدًا من الخطوة دي وخصوصًا إنها هترجع مع صناع أعمال شباب وكانت خايفه ماتعرفش تتأقلم معاهم وكمان تقنية التصوير مختلفة كانت متعودة على الثلاث عدسات ولما رجعت لقت التصوير بكاميرا ديجيتال واحدة وبعد كده بقت مستمتعة بالشغل مع المخرجين الجدد وفرحت جدًا لما لقت النتيجة على الشاشة .
حياتها الشخصية دايمًا بتبعدها عن الأضواء والصحف وبتقول إن حياتها الشخصية ملك ليها هى بس علشان تقدر عيلتها تعيش بحرية.
إرسال تعليق