بدأ رواد مواقع التواصل الإجتماعي يسألوا عن أحمد عزت بمجرد ظهوره على الشاشة وكتير منهم فرحوا بعودته لإنه يعتبر صديق طفولتهم من خلال الأدوار اللي بيقدمها . 

 إتولدت في القاهرة سنة 1978 عمره حاليًا 42 سنة. 

دخل كلية التجارة وبعدها درس المونتاج وهو دلوقتي بيشتغل مدير مونتاج في واحدة من القنوات الفضائية. 

وأنجب بنت إسمها "حنين " وهى طالبة جامعية وولد إسمه "سامر" عنده 14 سنة. 

بدأ حياته الفنية لما كان عنده 4 سنوات من خلال مسلسل "عدالة الإسلام" وهو مسلسل ديني باللغة العربية الفصحى وظهر فيه وهو بيقرأ سورة الفاتحة ، كان بيروح التصوير مع أخوه الكبير ووالدته كانت بتساعده في حفظ أدواره لحد لما كبر وإعتمد على نفسه وبعدها شارك كتير في برامج الأطفال والمسلسلات في الإذاعة والتلفزيون ومن كتر شهرته بقت الجرايد بتكتب عنه بمجرد مايعمل اي دور. 

وفي تصريح ليه قال بعد مسلسل عدالة السماء بقى مشهور جدًا وكل المخرجين كانوا عايزين يشتغلوا معاه لدرجة إنه بيعمل 4 أدوار في نفس الوقت وده خلاه يهمل دراسته ، وبسبب شهرته حس بالغرور وإنه معاش طفولته وعلشان كده قرر يعتزل وهو عنده 13سنة والمخرج إسماعيل عبد الحافظ حاول كتير يرجعه تاني للفن لكن هو صمم على الإعتزال .

 قرب من الجمهور من خلال أدواره في "بوجي وطمطم وفلافيلو، أجمل الزهور، ليلة القبض على فاطمة، البرلمان الصغير وليالي الحلمية "".

 وكمان شارك في كتير من المسرحيات منها مسرحية "نحن نشكر الظروف " مع الفنان سعيد صالح.