وكشفت الفنانة ميريت بنت الفنان الراحل عمر الحريري  حقيقة الشائعات اللي إنتشرت عن خلاف والدها مع الفنان عادل إمام وإن كان الخلاف السبب على عدم مشاركته لإمام في أدوار فنية أخرى وعدم حضور عادل إمام عزاء الحريري . 

فقالت ميريت من خلال برنامج تليفزيوني «عمر ما كان فيه خلاف بين والدها والفنان عادل إمام وإنها بترفض الكلام ده والدها اشتغل معاه مسرحيتين وهما (الواد سيد الشغال وشاهد ماشفش حاجة ). 

وقالت عن عدم زيارة عادل إمام لوالدها في مرضه إن مفيش حد خالص كان يعرف إن والدها الحريري تعبان غيرها حتى والدها مكانش يعرف لإنها كانت عايزاه قوي وإستمر علاجه 4 سنين من مرض السرطان. 

وأضافت إن عادل إمام مكانش بينادي الحريري غير بكلمة يا أستاذ والسبب اللي خلاه مايحضرش العزاء لإنه كان في الأردن وكان بيصور مسلسل (ناجي عطا لله) وكلمها هو وإبنه رامي وعزوها في التليفون. 

ووصي  عمر الحريري بنته قبل وفاته وقالها

(أوعي في يوم من الأيام تحطيني في موقف اتكسف منه) 

ونفت ميريت مساعدة والدها ليها في مجال  التمثيل لإنه مكانش بيرضى بالوسطة فقررت إنها تعتمد على نفسها من خلال إختبارات مكاتب «كاستينج» لمدة سنة ونص لحد لما دخلت مجال التمثيل بمجهودها . 

بدأ الحريري رحلته مع المرض سنة 2008 وقتها أصيب بذبحة صدرية وتم نقله لمستشفى دار الفؤاد وبسببها قرر الأطباء تركيب دعامتين بالقلب،وبعدها تم تشخيصة بمرض سرطان العظام لكنه مكانش يعرف وفضل يتعالج لمده 4 سنين وتوفي سنة 2011  يوم 16 اكتوبر

في مستشفى الجلاء العسكري، بعد تعرضه لتعب شديدة علي المسرح وهو بيقدم عمل مسرحي للأطفال تحت رعاية وزارة الثقافة، بعنوان (حديقة الأذكياء) وبكدة يكون حقق عمر الحريري حقق حلمه بأن تنتهي حياته وهو على خشبة المسرح. 

قدم الحريري اكتر من 300 عمل فني 

فشارك في السينما في عدة أفلام مميزة منها " السبع بنات ، جوز مراتي ، سكر هانم ، نهر الحب ، العتبة الخضراء ، أم رتيبة " وغيرهم أفلام تانية كتير تألق من خلالها . 

وقدم في التليفزيون مسلسلات منها " سمارة ، شيخ العرب همام ، ماما في القسم ، إن غاب القط ، المنصورية ".