ومن كتر حبها للسينما والأضواء قررت هند الظهور ككومبارس ولو صامت، فشاركت في بدايتها في 8 أفلام ماقالتش فيهم كلمة واحدة بداية من ركوبها خيل في مشهد من فيلم "غزل البنات" مع الفنانة ليلى مراد وهى واقفة وراها في مشهد أغنية "اتمخطري واتمايلي يا خيل"، وصولاً لأول مشهد إتكلمت فيه كان فيلم "الستات ميعرفوش يكدبوا" اللي قام ببطولته الفنان إسماعيل ياسين وشادية و قدمت دور البنت المعتوهة اللي أجّرت أخواتها الرضيعات لـ"نوح افندي". 

 لكن بدأت نجوميتها الحقيقية بعد الزواج لما راحت مكتب شركة الأفلام المتحدة سنة 1946 وشاركت في فيلم "أزهار وأشواك" ومثلت دور صغير مع الفنان يحيى شاهين، وهناك شافها المخرج حسن رضا وأعجب بجمالها وأنوثتها وقرر إنه يتزوجها وبالفعل تزوجوا وأنجبت منه بنتها الوحيدة "بسنت"، وبعدها بدأت رحلة نجوميتها وتقديم أفلام البطولة وبعد طلاقها من حسن رضا قررت الزواج من محمد فياض طبيب النساء الشهير واستمر زواجهم حتى وفاته. 

وبوفاتة اتغيرت حياتها ١٨٠ درحة وهنعرف ليه خلال الفيديو كان سبب العداوة بين هند رستم وفاتن حمامة هو مشهد جمعهم في فيلم " لا أنام " لما اعترضت فاتن على مشهد رفع هند الحذاء في وجهها وطلبت فاتن من المخرج تغيير المشهد لإنه مش مناسب ليها ولما عرفت هند أصرت على المشهد ومكانش ده بس سبب العداوة الوحيد فحصات ضجه لما عرفت إن أجر فاتن حمامة في الفيلم أكتر منها 3 أضعاف وكمان اعترضت هند على لقب سيدة الشاشة العربية اللي لقبت بيه فاتن وقالت إن سعاد حسني اللي تستحق اللقب ده لإنها فنانة شاملة . وكشفت هند عن هوايتها المفضلة وهى تربية الكلام فكانت بتمتلك 21 كلب أليف . 

قدمت في السينما أكتر من 70 عمل سينمائي منهم " حياتي عذاب ، شفيقة القبطية ،إشاعة حب ، ابن حميدو ". 

وشكلت ثنائي ناجح مع وحش الشاشة فريد شوقي في افلام زي الزوج العازت ،باب الحديد ،كلمة شرف وغيرهم من الأعمال وشاركت رشدي اباظة في مجموعة من الافلام منهم صراع في النيل ، لا انام ، رد قلبي ، وهو والنساء وزي ما بيقولوا ان لكل بداية نهاية، بعد نجاحها الساحق اللي حققته في السينما وتشجيع النقاد ليها وحصولها على جوائز عديدة قررت ختم حياتها الفنية بفيلم "حياتي عذاب" سنة 1979 مع عادل أدهم وعمر الحريري، 

وإعتزلت بعده الفن ودخلت في عزلة تامة بعد وفاة زوجها الدكتور محمد فياض ورفضت الظهور في أي مناسبات إجتماعية أو فنية أو عامة، لحد وقت رحيلها عن عالمنا يوم 8 أغسطس سنة 2011 عن عمر يناهز 82 سنة بسبب أزمة قلبية حادة وسابت وراها رصيد فني كبير وتاريخ طويل من الأعمال الفنية.