وبعد أما إستقرت في المحروسة أخدت لقب ملكة جمال مصر وبقت بتحضر كل المناسبات اللي بيحضروها الممثلين والشخصيات المشهورة وفي مرة من المرات شافها فريد الأطرش وكان وقتها لسه مش مشهور ومش غني وخطفت ليلى قلبه وقتها بجمالها المميز وكان عايز يتزوجها لكن والدها رفض لإنه كان عايز يزوجها من راجل غني يأمن ليها مستقبلها علشان كده وافق على الفنان عزيز عثمان اللي عرفناه بشخصيه. " عمو عزيز " وكان غني جدًا ومشهور وكمان كان أكبر منها ب 30 سنة وبالرغم من شهرته وثروته بس ليلى محبتهوش أبدًا وكانت بتحصل بينهم مشاكل كتير وصلت لإنهم إنفصلوا عن طريق المحكمة ، وبالرغم إنها عاشت أيام صعبة جدًا معاه لكنه مهدلها الطريق إنها توصل للنجومية وكل الناس تتمني تتصور بس معاها .

 بدأت أول عمل ليها هو فيلم " مصنع الزوجات " كان سنة 1941 وبعده فيلم " ممنوع الحب " سنة1942 اللي كان السبب إنها تتعرف على أنور وجدي الصديق اللي بعد كده بسرعة جدًا إتحول لحبيب. 

ساعدها أنور وجدي كتير جدًا في مجال التمثيل بصفته مخرج ومنتج وممثل وكان السبب إنها تظهر أكتر وكل الناس بقت تعرفها وتروحوا لكن زواجهم مستمرة كتير لإن القدر تدخل ومرض أنور وجدي وفشلت كل محاولات الدكاترة معاه وتوفي في السويد ، وبعد وفاته كرست ليلى حياتها للتمثيل ليل نهار وبالرغم من إن كانت الفترة دي صعبة بالنسباله إلا إنها حققت نجاح كبير وقدمت أعمال كتير مهمه منها "من أجل حبي" سنة 1960 و"رجل في الظلام" سنة 1963 وفي نفس السنة قدمت أهم أدوارها " الناصر صلاح الدين " وبسبب الدور ده الجمهور لقبها " بفرجينيا جميلة الجميلات ". 

وبعد لما فاقت من موجة الحزن اللي كانت عايشة فيها تزوجت من الإعلامي " جلال معوض " ووقتها حياتها إستقرت كتير وده ساعدها إنها تقدم أدوار كتير مميزة منها فيلم "ضربة شمس" وده كان مع الفنان نور الشريف وقدمت في التليفزيون مسلسلات جميلة منها "علي الزيبق و هوانم جاردن سيتي و بوابة الحلواني". 

 على مدار مشوارها الفني أخدت فيرجينيا كتير من الجوائز زي جايزة جمعية كتاب ونقاد السينما وده بسبب فيلم "ضربة شمس"،وكمان إتكرمت في مهرجان الإسكندرية سنة 2003، والقاهرة السينمائي سنة 2004. 

 ورحلت عن عالمنا جميلة الجميلات يوم 12 يناير سنة 2005 عن عمر يناهز 80 سنة وسابت وراها ميراث من الفن والإبداع كله إحترام لنفسها ولجمهورها وهيفضل موجود لآخر العمر.