وعن حياتها الخاصة الفنانة دينا متجوزتش قبل كده وقالت ف اكتر من مناسبة إن الزواج قسمة ونصيب وإنها مش هتتسرع في موضوع الجواز لإنه مشروع لازم يتم دراسته كويس وأهم حاجة عندها سعادتها بشغلها ونجاحها وعائلتها.

 قالت دينا في لقاء ليها إن إنشغالها بالعمل الإعلامي وتقديم البرامج وكمان دراستها كل الحاجات دي عطلتها عن هوايتها المفضلة وهى التمثيل وبتتمنى ترجع للسينما والدراما من خلال عمل جديد وقالت إنها رفضت أكتر من عمل في الفترة اللي فاتت لإن الأدوار اللي إتعرضت عليها سطحية . 

 شاركت في عدد من الأعمال الفنية منذ سن الطفولة كان عمرها 5 سنين لما قدمت أول عمل ليها وهو فيلم " السلم الخفي " والمميز كمان إنها قدمت كل أعمالها ببراعه وإتقان وقدمت كمان افلام في طفولتها منها " أميرة حبي أنا " والحفيد " و"أصعب جواز"، و"كباريه الحياة" و"عنتر فارس الصحراء" و"شياطين إلى الأبد". 

قالت دينا في لقاء ليها إن من المواقف اللي حصلت وهى بتصور فيلم "أميرة حبي أنا " إن سعاد حسني كانت بتسرحلها شعرها بقوة زي ما المخرج كان عايز والمشهد ده خلاها تتألم وحبست دموعها علشان ماتعيطش وتعيد المشهد لكن أول لما خلصت المشهد انفجرت في العياط وده خلي الفنانة سعاد حسني تحضنها جامد واشترتلها حلويات كتير .

 قدمت النجمة دينا عبدالله أكتر من 50 عمل درامي . 

 وعن المسلسلات اللي شاركت فيها منها "مطلوب عروسة"، و"ليالي الحلمية"، و"في قلب الليل"، و"أبرياء في المصيدة". 

وكمان قدمت أعمال مسرحية منها " الواد الجن "و"عائلة عصرية جدًا".

 أما عن برامجها التليفزيونية "حبيب الملايين وطوق نجاة ".

 وعن آخر أعمالها مسلسل "ليالي الحلمية الجزء 6" سنة 2016.