العبقرى محمد فوزى ترك وصية بكلمات مؤثرة وتنبأ برحيله وإختفى جثـمانه أثناء تشييعه

بعد مرور 50 سنة على وفاة “كازانوفا الشرق”، والمطرب والملحن العبقري، اللي برع في التمثيل والتلحين والغناء حتى آجبر على الاعتزال، هو الفنان محمد فوزي رحل عن عالمنا سنة 1966، بعد صراعه مع مرض نادر، وساب مجموعة من الأغنيات والألحان اللي مازالت خالدة لحد الآن.

هتعرفوا معانا فى حلقتنا معلومات وخبايا وأسرارعن حياة الموسيقار اللي سبق عصره وأسبب إختفاء جثمانه بعد وفاته تابعونا.

إتولد محمد فوزي في الغربية وكبر في أسرة من الطبقة المتوسطة، وعنده 25 أخ وأخت وهو ترتيبه ال 21 وكان من ضمن إخواته الفنانة هدى سلطان.

بدأ حبه للغناء من الصغر واللي شجعه على الغناء أكتر هو جندي إطفاء إسمه محمد الخربتلى، وكان بياخده معاه يغني في الموالد والأفراح .

سنة ١٩٣٨ قرر السفر للقاهرة لكن حياته مكانتش سهلة أبدًا فعاش أوقات صعبة جدا، قبل مايدخل فرقة بديعة مصابني، وبعدها إلتحق بفرقة فاطمة رشدي، وآخرهم الفرقة القومية للمسرح.

وكان ملهى بديعة بوابة سهلة ليه فمن خلال تعرف على فريد الأطرش ومحمد عبد المطلب ومحمود الشريف ومن هنا قرر المشاركة معاهم في تلحين الاسكتشات والاستعراضات وغنائها، وإتشجع على دخول امتحان الإذاعة كمطرب وملحن، وبالفعل نجح في التلحين ورسب في الغناء لكنه ماإستسلمش أبدًا وفضل يحلم بالغناء وحلمه دفعه لإحياء أعمال سيد درويش اللي أتاحت ليه الفرصة للتعاقد مع الفرقة المصرية للتمثيل والموسيقى كممثل ومغني في مسرحية “شهرزاد” لسيد درويش.

وبعد فشل عرضه الأول أصيب بالاكتئاب وبعدها بفترة عرضت عليه الممثلة فاطمة رشدي اللي كانت مؤمنه بموهبته، إنه يشتغل معاها في فرقتها كممثل ومغني.

وبعدها طلبه الفنان يوسف وهبي علشان يمثل معاه دور صغير في فيلم “سيف الجلاد”، وهنا كانت بدايته الحقيقية وإتفتح ليه باب ليشارك في فيلم “أصحاب السعادة” اللي حقق نجاح باهر وقتها.

وسنة 1958 أسس شركة “مصر فون” للأسطوانات، اللي ساهمت في نشر الأغنية في الوطن العربي كله لكن جمال عبد الناصر أممها وعينه مدير ليها براتب 100 جنية وده كان السبب في مرضه الشديد بعد تعرضه للحزن والانكسار.

محمد فوزي هو أول من قدم أغاني للأطفال زي “ماما زمانها جاية”، “ذهب الليل”، “هاتوا الفوانيس يا ولاد” وغيرها.

تزوج محمد فوزي مرتين الأولى من مديحة يسري وأنجبوا " وفاء " بعد 3 سنين من زواجهم لكن حكمه ربنا كبيرة وولدت الطفلة غير مكتمله وتوفت وبعدها أنجبوا " عمرو " اللي تخرج من كلية السياحة والفنادق وبقى بطل مصر في الكاراتيه لكنه توفى وهو عنده 27 سنة

وزواجهم إنتهى بعد قصة حب كبيرة بسبب خيانة محمد فوزي لمديحة يسري فواجهته مديحة وهو إعترف وإنفصلوا بهدوء وفضلوا بعدها أصدقاء .

وتزوج المرة الثانية من الفنانة كريمة وكان لقبها بفاتنة المعادي فحبها فوزي واتعلمت من أجله أصول التمريض لتهتم بيه أثناء مرضه وفضلت معاه حتى وفاته وبعد وفاته قررت عدم الزواج مرة ثانية بالرغم من صغر سنها.

قبل وفاته كتب وصيته بنفسه وقال في مقطع منها: “إن الموت علينا حق ولو ماموتناش النهاردة هنموت بكره وبيحمد ربنا إنه مؤمن بيه ومش خايف أبدًا من الموت اللي أكيد هيريحه من الألم اللي حاسس بيه "

وتوفي في ألمانيا بمدينة برلين ، بعد إصابته بمرض نادر وهو مرض “تليف الغشاء البريتونى الخلفى" وهو خامس شخص على مستوى العالم يصاب بالمرض ده ووصل وزنه 36 كيلو ولم يتوصل الأطباء لمعرفة طريقة لعلاجه.

ويوم وفاته قام مجموعة من محبيه بسرقة جثمانه وكان سبب خطفهم ليه إنه لم يحصل على التكريم المناسب من الدولة مقابل نجاحه وشهرته اللي يستحقهم فعبّروا عن غضبهم وحزنهم بالطريقة الغريبة دي فإنتهزوا فرصة غياب الشرطة عن تأمين الجنازة وسرقوا النعش لكن الشرطة طاردتهم طول اليوم وتعطلت إجراءات دفنه، حتى ضبطت النعش ودُفن الفنان الراحل ليلا.