لعب القدر دروه في لقائهم ، لما كان بيشارك في بطولة مسرحية "شهريار" وأهدى أختها اللي كانت جارته تذاكر للعرض فحضرت الأخت برفقة شقيقتها ودة كان أول لقاء بينهم ومن هنا بدأت شرارة الحب بينهم وخصوصا بعد ما عرف إنها معندهاش آي مشكلة في إنها تكافح مع زوجها ويبدإوا من الصفر فتزوجوا سنة 1957 وعاشوا حياة هادية ومدقش قلبه لغيرها عمره كله وأنجبوا ٣ أبناء وهما توفيق وهبه وآيه.
 

وفي أواخر أيام زوجته مرت بأزمة صحية ففضل جمبها بيرعاها ورفض أعمال كتير وقتها لحد وقت رحيلها سنة ٢٠١٩ ودة كان أصعب موقف يتحط فيه علي مدار حياته فإنتشرت صور ليه وهو بيبكي في جنازتها بتحمل كل معاني الحب والوفاء ومازال متأثر برحيل رفيقه دربة لحد دلوقتي و بيتكلم عنها بكل كلمات الحب في أي لقاء ليه.

من أشد المواقف الصعبة أيضا في حياته هي وفاة إبنة وهو عندة ١٥ سنة فبعد رجوعة من الحج مع والدة حس بتعب مفاجئ و تم نقله للمستشفى ولكنه فارق الحياة فور وصوله ولما عرف رشوان توفيق تمساك وفضل يردد إنا لله وإنا إليه راجعون سبع مرات.
 

علي الرغم من إن الفنان رشوان توفيق مكانش محظوظ في السينما إلا إنه عوض ده في التليفزيون فقدم أعمال محفور جوة قلوب الجمهور لحد دلوقتي زي الشهد والدموع أم كلثوم ولن أعيش في جلباب أبي.

ولمع وتألق في الأعمال الدينية وقال عنها إنه مكانش بيمثل فيها كان بيقولها بروحه والكلمات بتخرج من قلبه وخصوصا دوره في مسلسل عمر بن عبد العزيز.

وكان من أقرب أعماله لقلبه دوره في مسلسل أين قلبي مع يسرا والليل وآخرة والسبب إنه تحدي كل اللي توقع إنه مش هينجح فيهم بعد الأوار الدينية لكنه حقق نجاح كبير فيهم وهو في سن كبير.