هل تذكرون الفنان سعيد عبد الغنى كيف تغيرت ملامحه فى أخر ظهور ومن هو إبنه الفنان المشهور

لقب بالبرنس لإنه بيتميز في كل حاجة بيعملها وإتعرف بملامحه الحادة وقدر من خلالها يقنع جمهوره بأدوار الشر اللي شارك فيها هو الفنان القدير سعيد عبد الغني.

إتولد يوم 23 يناير سنة1938 بمحافظة الدقهلية من عائلة مصرية بسيطة .

إتخرج من كلية الحقوق سنة 1958.

مكانش من أحلامه يشتغل في الفن فبعد تخرجه إشتغل في جريدة الأهرام في قسم الحوادث وبعدها القسم الفني وفضل يترقى لحد لما بقى "رئيس القسم الفني في الجريدة وبسبب شغله بقى بيشوف الممثلين والمخرجين بإستمرار ومن هنا بدأ دخوله عالم الفن.

وحصلت مواقف غيرت مسار حياته بدايةً لما كان بيشتغل صحفي في قسم الحوادث إطلب منه تغطيه أحداث حرب 1967 وخلال تغطيته الأحداث إتعرض لصدمه شديدة جدًا لما شاف أشلاء الجنود المصريين في كل مكان وانتقل أصدقائه للرفيق الاعلي قدام عينه الموقف ده غير حياته ولما رجع دخل في إكتئاب لمدة 10 أيام ومن بعدها رجع طلب إنه يتنقل للقسم الفني وقرر مايلبسش أي لون غير اللون الأبيض بسبب كرهه للون الأسود اللي بيفكره بالحداد على أصدقائه.

وزي ما الفنان سعيد عبد الغني كان شيك وبيعرف يختار ملابسه وأدواره كمان عرف يختار زوجته وهى أخت الفنانة زهرة العلا وكان دايما بيعتز بيها و إبنه هو الممثل الجميل أحمد سعيد عبد الغني ورث حب التمثيل من والده وقدر يقنع الجمهور بفنه.

وكان آخر ظهور ليه سنة 2017 من خلال مهرجان المركز الكاثوليكي للسينما المصرية، وإتكرم الفنان الكبير لكن كان بيعاني من فقدان لوزنه وشحوب وجهه وده إتسبب في قلق زمايله عليه.

كانت أول مسرحياته "القرار "ومسرحية "جبل مغناطيسي "على مسرح الطليعة سنة 1973،

و أول مشاركة ليه في السينما سنة 1974 من خلال فيلم " الفاتنة والصعلوق " ومن هنا ذاع صيته وتوالت أعماله السينمائية والتليفزيونية .

قدم في 46 سنة حوالي 124 عمل مابين التليفزيون والسينما والمسرح.

ومن أشهر أفلامه اللي حصل فيها على شهادة تقدير عن دوره فيه هو فيلم " إحنا بتوع الأتوبيس " .

وشارك في فيلم "المذنبون" سنة 1975، "حبيبي دائماً" "حدوتة مصرية “ أمير الظلام “” إمرأة واحدة لا تكفي “ “ حبك نار " وغيرهم أفلام تانية كتير مميزة .

ومن أبرز أعماله التليفزيونية لما شارك في مسلسل "الفرسان " ,”الثعلب " , “رد قلبي “ , “شمس الأنصاري “ “أولاد الليل “ .

وفي أواخر ايامة دخل العناية المركزة بسبب إلتهاب رئوي حاد وميكروبات في الدم وفضل في العناية 45 يوم ورحل عن عالمنا يوم 18 يناير سنة 2019 عن عمر يناهز 81 سنة.