الفنان محمد متولى"خوليو" رحل بالزغطة ولم يحضر أحد لوداعه وإبنته فنانة مشهورة
محمد
متولي مكانش مجرد ممثل عادي كان بيؤدي أدواره بكل حب وإخلاص للشخصية
وعمرة ما فكر يكون إسمه متصدر على أفيشات الأفلام أو تترات المسلسلات
علشان يكسب ثقة الجمهور ويوصل لقلوبهم.
أقنع جمهوره اللي بيحبه
بكل أدواره اللي قدمها فبمجرد سماع نبرة صوته هتعرف إنك هتشوف على
الشاشة يا إما شخصية تضحكك من قلبك أو شخصية تصدمك من الخوف والرعب.
إتولد
الفنان محمد محمود متولي أحمد في مركز شبين الكوم بالمنوفية يوم 11 مارس
سنة 1945، وإنتقل للإقامة في اللأسكندرية ودخل كلية دار العلوم، لكنه
تخرج من المعهد العالي للفنون المسرحية وإشتغل معيد في المعهد وإكتشف عدد
كبير من المواهب الفنية دلوقتي نجوم كبار منهم " الفنان شريف منير ،
الفنان سامح الصريطي ، والفنان أحمد عبد العزيز " وغيرهم نجوم تانيين .
تزوج
الفنان محمد متولي من خارج الوسط الفني وهى السيدة وفاء إبراهيم إتخرجت
من كلية دار العلوم وأنجبوا بنتين وهما " سمر ويمنى".
وورثت
منه بنته سمر حبه للفن التمثيل فشاركت في مسلسل "شبر مية"، مع الفنان
أحمد السعدني وقالت في حوار ليها إن والدها وصاها يكون ليها شغل تاني
بجانب التمثيل وإن حلم حياته إنها تكون مذيعة.
يوم 17 فبراير سنة 2018 ورحل عن
عالمنا الفنان الجميل محمد متولي بسكته قلبية بدون أي ضجة إعلامية ومن
غير مايحس بيه حد لدرجة إن مفيش حد من نجوم الوسط الفني حضر عزاه والغريب
في الأمر إن زوجته السيدة وفاء في لقاء ليها حكت إنه كان عنده السكر
وضعف في عضلة القلب لكن السبب في وفاته كان دور برد.
وأضافت بنته سمر وقالت
"معرفناش
نلحقه، قلتله إتغطى يا بابا، قالها يا بنتي خلاص وساب الموبايل من إيده
وتوفي وحاولت بكل الطرق إنها تفوقه وتضغط على قلبه، لكنه كان بالفعل توفي
.
وانتقالا لمسيرتة الفنية
أنطلق الفنان محمد متولي نحو الشهرة في فترة السبعينيات من خلال فيلم "خلي
بالك من زوزو" مع الفنانة سعاد حسني ودي كانت أول أنطلاقه ليه وتوالت
عليه الأعمال بعده وشارك في كتير من الأعمال ما بين السينما والتليفزيون
والمسرح.
فوصل عدد أعماله لحوالي 250 عمل فني بين السينما والتليفزيون والمسرح.
كان
محظوظ إنه إشتغل مع عدد كبير من عمالقة الفن منهم محمود مرسي، ويحيي
الفخراني، نور الشريف ، وصلاح السعدني، وسناء جميل، وجميل راتب وغيرهم
ممثلين كبار يتمنى أي ممثل يشتغل معاهم.
وكانت
آخر أعماله مسلسل " واكلينها والعة 2 " اللي إتعرض بعد وفاته سنة 2020
من ّأبرز أعماله اللي قدمها في التليفزيون "مسلسل ليالي الحلمية ، طاقة
نور ، هربانة منها ،شمس الأنصاري ".
وقدم أفلام مميزة منها " مطب صناعي ، سلام يا صاحبي ، شنطة حمزة ،الباب يفوت أمل ، حسن ومرقص ".
كما برع في تقديم المسرحيات منها " حزمني يا ، ولاد اللذينة ، آخر المطاف ،".
إرسال تعليق