تزوج وائل نور مرتين 

المرة الأولى من الفنانة أميرة العايدي، وأنجبوا ولد وبنت وهما " سارة ويوسف " لكن مستمرش زواجهم وإنفصلوا بعد 7 سنوات بالرغم من قصة حبهم الكبيرة والسبب كان رفض أميرة تركها الفن فاقمت بينهم خلافات كبيرة أدت للطلاق  .

والمرة الثانية من "غادة محمد"، وأنجبوا ولد وبنت وهما " جودي وياسين " وبعد وفاته أنجبت ولد تاني وهو "حمزة " وللاسف توفى وائل قبل ولادة زوجته ب 9 أيام 

وقالت غادة، أرملة وائل نور: "إنه كان متشوق جدا لحمزة وكان نور عاشق للأطفال ولو كان لسه عايش كانوا هيفضلوا مستمرين في الإنجاب . 

وأحيانًا الأبناء يرثوا المواهب من آبائهم، ودة اللي حصل مع يوسف إبن الفنان وائل نور من زوجته الأولى  فقدر يوسف يجذب إنتباه المنتجين والمخرجين، وإتعلق قلب الجمهور بيه  فشارك في مسلسل كلبش 3 وده كان ثاني ظهور ليه أما ظهوره الأول كان من خلال مسلسل " أبو عمر المصري " . 

يوم 2 مايو سنة 2016 وقع خبر وفاة الممثل وائل نور كالصاعقة وسط ذهول وصدمة خاصة من زملائه بالوسط الفني، لإنه كان معاهم قبل وفاته بلحظات وكعادته بيهرج ويضحك ، وبعدها راح شقته في العجمي وأصدقائوا راحوا وراه بيخبطوا على الباب مافتحش فكسروا الباب لقوه على الكرسي  متوفى بسبب أزمة قلبية

بعد إنتهائه من تصوير مسلسل «شقة فيصل» اللي اختاره علشان يرجع  بيه لجمهوره بعد غيابه عن الساحة لمدة 7 سنوات، لكنه توفى قبل ما يتابع رد فعل جمهوره والغريب في الأمر أن المسلسل إتأجل عرضه لأكثر من مرة، لحد ما انضم لمسلسلات رمضان سنة 2019، وكان الفنان وائل حاضر رغم غيابه . 

ويوم وفاتة دخلت الفنانة ميرنا وليد، في نوبة بكاء وانهيار تام على الهواء خلال تقديمها حلقة برنامجها "ضي القمر"

بعد سماعها خبر رحيلة وقررت إنهاء الحلقة بعد دقائق من ظهورها على الهواء ، وأكدت إنها مش هتقدر تكمل الحلقة بعد سماعها الخبر. 

ووقت تقسيم التركو دخل الورثه في صراع  وصل للمحاكم بين أميرة العايدي وأرملته وأكدت المصادر إن كل واحدة فيهم عايزة تحافظ علي حقوق أولادها لإن وائل نور كانت ثروتة  ضخمه جدًا فساب فلوس كتير  في البنوك ، و7 شقق في الإسكندرية في  العجمي ، وشاليهات في شرم الشيخ ، وشقق ومحل في القطامية ، وجراج في مدينة نصر ".