وكمان قررت عبلة كاملة متسكتش وردت علي مروجي الاشاعات من خلال رسالة بعتتها لاحد الكتاب لنشرها علي السوشيال ميديا 

ومن ضمن محتواها (عيب، والله العظيم عيب، لو الناس مش هتتقي ربنا وتخاف منه في وقت زي ده هتتقيه وتخاف منه امتى؟ وإيه اللي هيستفيده إنسان من إنه يقلق حياة الناس بكلام كذب، بيدعي إنه بينشره لإنه محب أو معجب، أنا اخترت نمط حياة سعيدة بيه وراضية عنه، وما عنديش أي حسابات على السوشيال ميديا ولا هيبقى عندي في أي يوم من الأيام، ولا باتابع السوشيال ميديا ولا بانشر عليها أي شيء من أي نوع ولا مهتمة بده) 

ومن ناحية اخري نشرت زينب كمال بنت الفنانة  عبلة كامل بوست على حسابها الشخصي علي موقع فيس بوك وقالت ماما الحمد لله بخير والكلام اللي منشور ده شائعات شكرا على السؤال وربنا يدينا كلنا الصحة. 

ويسبب ابعاد عبلة كامل حياتها الشخصية عن الاعلام عدد كبير من المجهور ميعرفوش ان عبلة كامل عندها بنتين توأم من زوجها الاول الفنان أحمد كمان وهما زينب وفاطمة

فزينب متزوجة من رجل أجنبي وكانت عايشة فترة طويلة في ألمانيا وانجبت بنت اسمها زهرة اللي بتخطف الانظار كل مرة بجمالها بعد نشر ولدتها اي صورة ليها 

ويذكر ايضا ان زينب شاركت في مسلسل ما وراء الطبيعة اللي بيتم عرضه في الوقت الحالي وحقق نجاح كبير 

بالاضافة لهوايتها في الرسم ودايما بتشارك أصدقائها بروسماتها اللي بتشارك هي وزوجها في رسمها 

اما فاطمة فهي اخصائية تغذية وهي الاقرب في الشكل لوالدتها و نادرا ما بتنشر فاطمة صور ليها علي السوشيال ميديا 

ومن ضمن الاشاعات اللي انتشرت مؤخرا عن عبلة كامل هي لما نشر حساب وهمي منسوب ليها، تغريدة بتشير  لاعتزالها الفن بشكل نهائي خصوصا بعد اختفائها تمام لمدة ٣ سنوات بعد مسلسل سلسال الدم 

ولكن تم نفي الاشاعة وقال المصدر ان عبلة كامل مأجلة رجعوها لوقت انتهاء فيرس كرونا