وإنتقالا ًا لحياته الخاصة 

فتزوج الفنان يوسف فوزي، في حياته 4 مرات، وكانت أول زيجاته وهو عنده 16 سنة، وقال أنه اتعود انه يتعامل كسي السيد داخل منزله خصوصًا انه اتربى في بيت كان والده بينادي على والدته باسمه "يوسف"، على الرغم من أن والدته إنجليزية الأصل. 

وبدأ الفنان يوسف مشواره الفني سنة 1981، واشتغل مع كبار النجوم منهم  أحمد زكي ومحمد صبحي، وإتعرف في الوسط الفني إنه راجل بيهتم بشغله ومواعيده زي الساعة، ودغري في قراراته ومش بيحب (اللوع)، واللي في قلبه على لسانه فكان شخصية محبوبة في الوسط الفني وكمان بين جمهوره. 

وقدم مجموعة كبيرة من الأعمال التليفزيونية منها: "هوانم جاردن سيتي، وأوبرا عايدة، وفارس بلا جواد، ولحظات حرجة". 

اما اعماله السينمائية فقدم "النمر الأسود، شاهد إثبات، وظرف طارق". 

وسنة 2000 تنبأ يوسف فوزي بمرضه لما جسد دور الطبيب الجراح "جلال عوني" في مسلسل اوبرا عايدة اللي اصيب بالشلل الرعاش وتوقف عن عمله، ولعب القدر دور كبير وتحول التمثيل لحقيقة، لان هو نفس المرض اللي أصيب به سنة 2016 وجعله يتوقف عن التمثيل ويعتزل. 

وبعد توقفه عن التمثيل بسبب مرضه رفض أعمال بما يفوق المليون وربع جنيه، وقال عن حالته انه الحمدلله مستور وهو مش راجل غني، ولما بيعوز بيلاقي والحمد لله، وكمان عايش في حتة كويسة، ومراته عندها اكتفاء ذاتي". 

لكنه عبر عن استياءه من زملائه والنقابة وان مفيش حد بيسال عليه خالص، وحب يطمئن جمهوره عليه وقال "وضعي الصحي على مايرام ". 

واتكلم عن عادل إمام وأحمد حلمي فقال إن عادل إمام: "راجل متواضع جدا، وقعدته جميلة، ودايما خايف على مستقبله، وبيحب يعرف هدف كل عمل علشان يرتقي بالذوق العام، وانه ما اطلقش عليه اسم (الزعيم) على الفاضي". 

أما أحمد حلمي، فقال عنه: "كوميديان محترف وذكي جدا، ولو جه جنبه كل نجوم الشباك في عمل ولا واحد فيهم هيبان.