آسطورة أتلانتس المدينة المفقودة ما بين الحقيقة والخيال وسر علاقتها ببناء الأهرامات
في سنة 360 قبل الميلاد إتكلم الفيلسوف الإغريقي أفلاطون عن أتلانتس أو المدينة المفقودة ، وقال أفلاطون إن سر المدينة الغرقانة من 9000 سنة تحت المية موجود عند الكهنة المصريين، واللي حكوا عنها لجده اللي زار مصر الفرعونية زمان.
يا ترى إيه سر أسطورة أتلانتس، وهل فعلًا فيه علاقة بينها وبين الفراعنة؟
نقل أفلاطون عن جده ان حضارة أتلانتس حضارة جت بعد الحضارة الفرعونية، وانها كانت موجودة في منطقة قريبة من جبل طارق حاليًا، لكن حصلت كارثة طبيعية خدت المدينة باللي عليها وغرقت تحت المحيط الأطلنطي، ومن وقتها اتمسحت المدينة دي من الوجود.
أما عن حضارة شعب أتلانتس فكانت حضارة متقدمة جدًا، وكان عند أهلها تقنيات متطورة محدش وصلها، لدرجة إنهم قدروا يولدوا الطاقة من أنواع معينة من أحجار الكريستال، ودي تقنية محدش عرف يوصلها لحد النهاردة.
ووصف أفلاطون شكل مدينة أتلانتس، وقال إن مبانيها مبنية بشكل دائري حوالين المركز، وفي المركز وسط المباني فيه معبد على شكل مستطيل، لكنه ذكر معلومة في منتهى الاهمية، وهيا إن اللي بنوا الأهرام في مصر كانوا من قارة اتلانتس.
كتير من الناس إعتبروا كلام أفلاطون عن القارة المفقودة مجرد أساطيراخترعها أفلاطون بنفسه، لكن الحقيقة إن مش بس أفلاطون اللي اتكلم عن القارة المفقودة، فيه كمان مخطوطات قديمة اتكلمت عنها.
ومن بين المخطوطات اللي اتكلمت عن وجود المدينة دي، هيا مخطوطة مصرية قديمة، وبتقول المخطوطة المصرية إن فيه فرعون مصري طلب من وزير من وزرائه تنظيم رحلة بحرية للبحث عن المدينة الغارقة دي..
كمان كان من بين خرايط سلاطين الدولة العثمانية خريطة تخص سلطان معين، الخريطة دي كانت بتضم رسم لجزيرة مش موجودة في الحقيقة، لكنها كانت موجودة على الخريطة دي، وفيه إعتقاد إن الجزيرة دي هيا جزيرة أتلانتس وده مكانها..
فيه بقى عدد من الباحثين والمستكشفين مقتنع جدًا إن الموضوع مش مجرد أسطورة اخترعها أفلاطون، وإن أتلانتس كانت موجودة فعلًا وغرقت تحت المحيط الأطلنطي، وعشان كده خرجت رحلات استكشافية كتير تبحث تحت المية عن أي دليل.
الغريب بقى انهم لقوا ادلة قوية بتأكد كلام أفلاطون، وبتأكد نظرية وجود المدينة تحت المية في المحيط الأطلنطي.
من بين الأدلة دي اكتشاف وجود آثار للمدينة تحت المحيط ، وده اللي صورته الأقمار الصناعية.
لكن إيه اللي لقطته الأقمار يأكد وجود المدينة؟
الأقمار الصناعية لقطت صور لمباني مبنية حوالين بعض بصورة دائرية تحت مية المحيط الأطلنطي.
و الصادم إن هو ده نفس شكل المباني اللي اتكلم عنها أفلاطون في حواراته من آلاف السنين.
كمان صورت الأقمار الصناعية أسوار مستطيلة في نفس المكان، والاعتقاد الكبير إن الشكل المستطيل ده هو بقايا معبد متهدم.. وبرضه أفلاطون قال إنه كان فيه معبد مستطيل جوة المباني اللي مبنية على شكل دائري.
لكن الأغرب من كل اللي انا قولته ده هو إنهم لقوا اهرامات كبيرة جدًا تحت مية المحيط، أهرامات زي أهرامات الفراعنة بالظبط، لكنها أصغر من هرم خوفوا في الحجم، وسموها اهرامات الكوارتز.
إستنى كده..
مش أفلاطون كان اتكلم عن حاجة شبه الموضوع ده؟؟
مش قال إن الأهرامات اللي في مصر بنوها ناس من مدينة أتلانتا؟ حاجة غريبة فعلًا!!
كمان اكتشفوا رسومات على شكل حلقات تحت المية في أسبانيا، وفيه تأكيدات إن الحلقات دي مش حلقات طبيعية وإنها من صنع الإنسان.
فيه بقى باحث أمريكي مؤمن جدًا بوجود المدينة دي، وعشان كده كرس كل وقته، الباحث ده اسمه روبرت سامارست، وقال في كتابه اكتشاف أطلانتس؛ انه لقى أدلة تأكد وجود قارة اطلانتس في المنطقة بين قبرص وسوريا، والدليل ده هو آثار لمستوطنات بشرية تحت البحر، وفيه اعتقاد عند روبرت ؛ إن قبرص نفسها هيا جزء من مدينة أتلانتس، لكنها الجزء اللي مغرقش تحت المية.
ده يادوب جزء من تاريخ البحث عن أصل أسطورة أتلانتس.
إرسال تعليق