وبالفعل سافرت القاهرة وكان عمرها وقتها ١٨ سنة ونظم موسيقار الأجيال حفلة ليعلن من خلالها اكتشافه الجديد، وغنت فيها "ودارت الأيام" و"لسه فاكر"، وانطلقت للشهرة بعدها بشكل كبير، وتعاونت مع الموسيقار الكبير “محمد عبد الوهاب” اللي إهتم بيها إهتمام كبير وتفرغ للتلحين لها وفضل سنتين يجهز إنطلاقتها للشهرة والنجومية. 

ومن هنا بدأت ازمتها مع زوجة محمد عبد الوهاب اللى حست بالغيرة لإهتمامه المبالغ  وإنتشار كتيرمن الشائعات عن عشقه لميادة البنت الصغيرة الجميلة اللي جاية من سوريا، طلبت زوجة عبد الوهاب من وزير الداخلية ترحيل ميادة وبالفعل تم ترحيلها من مصر وإتمنعت من دخول مصر لمدة دامت 13 سنة ومرجعتش مصر مرة تانية الا بعد وفاه عبد الوهاب 

ولكن ترحيلها مأثرش علي أنطلاقتها الفنية وكانت الالحان ترسل لها علي شريط كاسيت من كبار الملحنين المصريين وكانت بتسجلها فى سوريا وأصبحت من اشهر مطربات عصرها.

تزوجت  ميادة من أحد وزراء سوريا لكنها ندمت على زواجها وأكدت إن إختيارها كان غلط وإنها ظلمت نفسها لما أقدمت على الخطوة دى . 

وعن شائعة قصة الحب اللي جمعتها بالراحل الكبير بليغ حمدي ، نفت ميادة الشائعة وقالت إنها حبت بليغ كإنسان وصديق وفنان عظيم وهو كمان بادلها نفس الشعور  وكل اللي كان بيجمعهم كان الود والإحترام المتبادل والتقدير ، وأضافت إنها الوحيدة اللي كتب لها أغنيتين وهما “أنا بعشقك” و”كان يا ما كان”. ولحن لها حوالي ٢٠ اغنية 

وحزنت ميادة حزن شديد على وفاة بليغ حمدي وقالت إنها على أتم إستعداد لغناء تتر مسلسل “مداح القمر” اللي بيتم الإعداد ليه عن حياة بليغ حمدي من دون مقابل مادي وكمان تجسد شخصيتها معاه في المسلسل  لإن حياتها معاه مش من السهل إن يمثلها حد لإن في تفاصيل صغيرة هى اللي عاشتها معاه بالدقة والواقعية زي ماهتعمل هى . 

أصدرت الفنانة “ميادة الحناوي” عدد  من الألبومات، من أبرزها “أنا باعشقك” و”يا شوق” و”مش عوايدك” و”ساعة زمن” و”سيدي أنا” و”حكايتي” و”غلاوة العشاق” و”تلج ونار” و”حبك ما ينتهيش”، و”الليالي” و”جالك كلامي”.