مقادير الكوسه بالبشاميل 

• كيلو كوسه 
• نصف كيلو لحمه مفرومه معصجه بالملح والفلفل الاسود ورشه جوزة الطيب ومعلقتين زيت 
• بشاميل (4 معالق كبار زبده او سمنه /4 معالق كبار دقيق /لتر لبن )

خطوات تحضير صنيه الكوسه بالبشاميل 

لعمل البشاميل 

1. على النار نضع الزبده او السمن لتسخن 
2. ننزل بمقدار الدقيق على الزبده ونقلب بسرعه لحد ما الدقيق لونه يتغير شويه بس ما يتحرقش 
3. نضيف لتر الحليب ويكون بارد على الدقيق ونقلب باستمرار منعا لحدوث اى تكتلات او كلكعه 
4. نبهر البشاميل بملح وفلفل ونسيبه لما يبدا يغلى ونطفى النار 

لتحضير الكوسه 

1. تغسل الكوسه كويس جدا وتقطع الى حلقات سميكه او شرائح طوليه سميكه حسب الرغبه 
2. تقلى شرائح الكوسه فى زيت سخن لحد ما تاخد لون ذهبى جميل 
3. نطلع الكوسه على مناديل مطبخ عشان تمتص منها اى زيوت ونتبلها بالملح والفلفل الاسود 

لتركيب الكوسه بالبشاميل 

1. نحضر الصنيه او البايركس ونضيف فيه كبشه بشاميل ونفردها 
2. نضيف نصف كميه الكوسه ونرصها بشكل منظم 
3. نضيف كبشه بشاميل تانيه على الكوسه 
4. نضيف اللحمه المعصجه ونفردها فوق الكوسه 
5. نضيف باقى كميه الكوسه على عصاج اللحمه ونرصها بشكل كويس 
6. نضيف عليها باقى كميه البشاميل وممكن اضافه اى نوع جبن على الوجه 
7. ندخل البايركس فرن سخن على درجه حراره 180 لمده نصف ساعه لحد ما البايركس ياخد لون جميل وبالهناااااا