وبدأت مشوارها مع الفن على خشبة مسرح المدرسة لما قدمت دور كليوباترا في مسرحية "قيصر وكليوباترا" وإتعددت الأدوار اللي قدمتها علي خشبة مسرح المدرسة وأول ما شافها الموسيقار محمد عبد الوهاب قال عنها صاحبة هذا الوجة مكانها الشاشة البيضاء ومش هو الوحيد اللي تنبأ بموهبتها لكنها أبهرت بغناها وتمثيلها محمود شعبان الشهير ب بابا شارو وشاركت في برنامج ركن الأطفال وكانت واحدة من المواهب اللي اكتشفها بابا شارو .

ومن المواقف المثيرة االلي إتسببت في دخولها لعالم السينما ففي البداية سنها الصغير كان عائق لدخولها السينما ففكرت في حيلة علشان تظهر أكبر في العمر بإنها تلبس كعب عالي وتحط مكياج يبينها أكبر وفعلا الحيلة دي عدت علي المنتجة أسيا وإختارتها لبطولة فيلم الحموات الفاتنات سنة ١٩٥٣ كان عمرها وقتها 17 سنة ومن بعدها توالت عليها الأعمال الفنية وأصبحت محبوبة من الجمهور ومن كل زمايلها بسبب شقاوتها فكانت دايما بتعمل مقالب في زمايلها أثناء التصوير .

 وبجانب موهبتها في التمثيل إتمتعت بصوت جميل وظهرت قدراتها كمغنية في فيلم خالي شغل شاركت في بطولة عدد من الأفلام منهم أمريكاني من طنطا و الفانوس السحري واللي شاركت فيه بدور خطيبة إسماعيل يس.

 وكان ليها مشاركات كتير بأدوار ثانوية في مجموعة من الأفلام أبرزهم مراتي مدير عام الهاربة ومعا إلى الأبد .

 وعلي خشبة المسرح قدمت كاريمان مسرحية فتافيت السكر و منافق للإيجار وعريس في علبة وفاجئة وبدون سابق إنذار.

 إبتعدت الفنانة كاريمان عن عالم الفن من غير آي اسباب بعد مشاركتها في فيلم نورا سنة 1967 مع كمال الشناوي ونيللي .

وماإنتشرتش أخبار عنها من بعدها لدرجة إن إعتقد البعض إنها رحلت في هدوء.