وبالرغم من قله سنين شغلها في السينما اللي متعدتش ال6 سنين إلا إنها دخلت قلوب الناس بسرعة كبيرة واللي ساعدها ملامحها المصرية الأصلية ورقتها الغير مصطنعه. إكتشفها المخرج حسن الإيمام لما شافها أثناء تصويره لأحد المشاهد في الشارع وهى كانت خارجة مع أصحابها وكان عمرها وقتها 15 سنة راحلها وطلب منها تمثل في السينما وهى من ترددها وكسوفها جريت من أدامه. 

إنتقالا لحياتها الخاص تزوجت الفنانة إيمان، في البداية من فؤاد الأطرش، أخو الفنان الراحل فريد الأطرش، لكن إنفصلوا بعد  6 سنين وكان السبب إنها رقصت في فيلم ألماني إسمه «روميل ينادي القاهرة» سنة 1958. 

وبعد كده بفترة سنة 1962ارتبطت بمهندس ألماني إسمه ماكس شيلدين وكان ليه شرط واحد بس هو إنها تعتزل التمثيل وتسافر تعيش معاه في ألمانيا وتتفرغ ليه ولحياتها الجديدة .

 وإنتشرت صور نادرة ليها من حفل زفافها في ألمانيا، وهى راكبه سيارة الزفاف ، وصورة تانية مع واحدة من قرايب زوجها بتحطلها إكليلًا من الزهور، وصورة كمان وزوجها بيبوس إيديها . 

وقضت إيمان وزوجها أطول شهر عسل وصل لـ 60 يوم زاروا فيه أماكن سياحية كتير . 

 وبعد زواجهم بفترة أهتمت بتصميم ديكورات الفنادق في شركة زوجها وكان بيعتمد عليها وبيعجبه ذوقها .
أنجبوا 3 أبناء وإختاروا لكل واحد فيهم إسمين إسم ألماني وإسم مصري الكبيرة إسمها ليلى واسمها الأجنبي هو كاثرين، والثاني ولد إسمه هلال واسمه الأجنبي توماس، أما عن الصغير هو ماكس، 

وحاليا هى عايشة مع أولادها وزوجها في النمسا من سنة 1994. 

إنتشرت صورة ليها في زفاف إبنتها توماس وزوجته بعد مابقى عندها 80 سنة ظهرت وهى لسه محافظة على رونقها وشياكتها.