وانتقالا لحياته الخاصة 

فتزوج نبيل الحلفاوي في بداية حياته من الفنانة الكبيرة فردوس عبد الحميد، وأنجبوا ابنهم خالد الحلفاوي اللي دلوقتي بيشتغل مخرج، لكن زواجهم لم يستمر وتم الانفصال، لكن رفضوا هما الاتنين الأفصاح عن سبب الطلاق حفاظًا على أسرار حياتهم الشخصية.

وبعد انفصالهم تزوجت “فردوس” من المخرج محمد فاضل وأنجبت منه. 

والجدير بالذكر ان “الحلفاوي” صرح آكثر من مرة عن حبه الكبير للفنان أحمد زكي، وقال عنه انه  أكثر ممثل بيعرف يتقمص الأدوار. 

لكن انتقده في فيلم واحد وهو فيلم “الرجل الثالث”.

فقال من خلال حسابه الخاص على تويتر: “أحمد زكي لو كان ظهر في أمريكا كان هيفوز بالأوسكار”.

وانه قدم أعمال كتير مهمة معادا فيلم واحد مكانش على مستوى أكبر هو الرجل الثالث” 

وأحب رواد مواقع التواصل الإجتماعي تدوينات الفنان نبيل الحلفاوي حتى انهم لقبوه ب" حكيم تويتر" وده لانهم شعروا انه رجل مثقف، وناشط سياسي مخضرم وتميز بأرائه الحكيمة في المجالات الفنية والرياضية، والاجتماعية. 

وعلى الرغم من قلة أعماله إلا أنه قدر يستقطب عدد كبير من الشباب خلال “تويتر”.

واعتبروه الشباب قدوة ليهم وبدأوا يستشيروه في أمور حياتهم علشان كده دايمًا بنلاقيه نشط على تويتر وبيدخل في نقاشات مع متابعيه. 

وكمان علّق على قضية الفنانة شيرين عبد الوهاب وتعرضها للهجوم، وقال على حسابه"ان اللي حصل للفنانة شيرين من ردود فعل غاضبة على السوشال ميديا والإعلام وكمان موقف النقابة ده يكفي تماماً.. لكن وصول الأمر للنيابة والمحاكم فده ضرره أكثر بكتير من نفعه لأسباب كتيرة". 

ورجوعا لحياته الفنية

فكان دوره في فيلم “الطريق إلى إيلات”، سبب في حب الناس ليه وقال “الحلفاوي” إن سبب نجاح الفيلم واقعيته، فكل حاجة ظهرت على الشاشة حقيقية وكمان كل الانفجارات كانت بجد، حتى مشهد اللغم كان حقيقي وصادق، ونجح “الحلفاوي” انه يوصل للمشاهد مشاعر التوتر والخوف ونظرات والقلق في عينيه، ورعشة ايده، ولان الفيلم كان بيتم التحضير ليه من سنتين قبل التصوير وكمان كانت تكلفته عالية عشان كده طلع كل حاجة متقنه.

وتم الاستعانة بالأبطال الحقيقين اللي نفذوا العملية أثناء التصوير. 

وفي الفترة الاخيرة قرر الحلفاوي، الاعتذار عن أي أعمال فنية جديدة في الفترة المقبلة، في ظل تصاعد حالات الإصابة بفيروس كورونا خصوصًا بين أهل الفن.

وكانت آخر أعماله مسلسل "القاهرة كابول".