فتى الشاشة عماد حمدى رحل كفيفا ونادية الجندى سبب إفلاسه وشقيقه التؤام صورة طبق الأصل
هنشارككم تفاصيل مهمة عن حياته وحقيقة تمثيلة مع أم كلثوم، والسبب وراء عضب جماهير العندليب منه، وهل فعلا إستولت نادية الجندي علي ممتلكاتة؟ تابعونا..
إتولدالفنان الكبير عماد حمدي في سوهاج يوم 25 نوفمبر سنة 1909.
وعنده أخ توأم وهو " عبد الرحمن " وكتير جدا من الناس مكنوش بيعرفوا يفرقوهم عن بعض.
حصل عماد حمدي على دبلوم مدرسة التجارة، وإشتغل في بداية حياته موظف في استوديو مصر، وبعدها إترقي لمدير إنتاج وبعد كده مدير توزيع.
وإعتبر عدد كبير إن بدايتة الفنية كانت من خلال فيلم " عايدة " سنة 1942 مع أم كلثوم لكن اللي كتير مايعرفوهوش إن اللي قام بالدور ده كان أخوه التوأم عبد الرحمن وكانت دي هى مشاركته الوحيدة في السينما وبعدها إتنقل للعمل في السلم الدبلوماسي.
فبداية عماد حمدي كانت من خلال دوره في فيلم "السوق السوداء" سنة 1945، وكان فيلم " المنزل رقم 13 " سنة 1952 نقطة نحول في مشواره الفني، وأصبح فتى الشاشة الأول بلا منازع، ومن مفارقات القدر في مشوار عماد حمدي أن تسبب مشهد بيبنه وبين عبد الحليم حافظ في فيلم "الخطايا" وهو المشهد اللي صفع فيه العندليب على وجهه، في خسارته قاعدة جماهرية كبيرة من عشاق عبد الحليم حافظ، وجلس في بيته فترة بدون عمل بعد عزوف المنتجين عنه.
كانت شخصية عماد حمدي مميزة عن غيره من نجوم جيله، وده خلى كتير من النساء يقعوا في حبه، فتزوج على مدار حياته 4 مرات،
فزوجته الأولى هى الراقصة حورية محمد، وتاني مرة تزوج من فتحية شريف وأنجبوا ابنهم "نادر"، أما زواجه الثالث كان من الفنانة شادية وكان أكبر منها بحوالي 20 سنة وإستمر زواجهم لمدة 3 سنوات وبعدها إنفصلوا.
وكانت آخر زيجاته واللي أثارت جدل كبير من الفنانة نادية الجندي فكان أكبر منها ب 25 سنة
بدأت علاقتهم أثناء تصوير فيلم "زوجة في الشارع" فحبوا بعض وتزوجوا وانجبوا إبنهم هشام وبعد فترة إنفصلوا ووقتها خرجت أقاويل بتقول أن سبب إنفصالهم هو معاملة نادية السيئة ليه، وإنها استولت علي ايرادات فيلم "بمبة كشر" اللي قام عماد بإنتاجة وكتبوا بأسمها للتهرب من الضرائب، وكمان أخدت منه شقة الزمالك، وده تسبب في دخوله في إكتئاب أدى لوفاته.
لكن نادية نفت ماتردد وقالت إنها هى اللي أنتجت الفيلم من الفلوس اللي كانت بتحصل عليها من البوتيك، وبسبب ثقة الموزعين في اسم عماد حمدي إتفقوا على كتابة اسمه كمنتج للفيلم، وتولى الإشراف على الإنتاج مقابل 20% من أرباح العمل.
وكان في كتير من الدلائل بتؤكد على رواية "نادية "، وهي مشاركة عماد حمدي ليها في بطولة فيلم "شوق" بعد أنفصالهم، وزاوجها من الفنان محمد مختار فمعنى موافقة الراحل عماد حمدي على المشاركة في العمل ده يؤكد على عدم وجود خلافات بينهم، وكمان ظهر في صور عيد ميلادها برفقة زوجها الجديد محمد مختار.
وبعد وفاة عماد حمدي يوم 28 يناير سنة 1984 عن عمر يناهز 74 سنة، كشف " نادر" إبنه إن والده بعد وفاة أخوه التوأم "عبد الرحمن" فقد بصره في أيامه الأخيرة، وهو ده السبب اللي سببله أزمة نفسية حادة، وتوفي بسبب أزمة قلبية.
إرسال تعليق