إتولد في الزقازيق في محافظة الشرقية يوم 18 نوفمبر سنة 1949.
وإتخرج من المدرسة الصناعية في الزقازيق سنة 1967
وبعدها سافر للقاهرة علشان يدرس السينما قبل ما يتخرج من معهد القاهرة للفنون المسرحية سنة 1974.
ولمدة 30 سنة أبهرنا الفنان الكبير أحمد زكي بأدواره الهزلية والرومنسية المأساوية على التليفزيون والسينما وكمان المسرح .
بدأ
فرصته الأولى في المسرح لما كان بيدرس في معهد الفنون المسرحية سنة 1969
وأدى دور صغير في مسرحية كوميدية إسمها " مرحبًا شلبي " وكان دوره بيشتغل
في خدمة الغرف وحالفه الحظ في ليلة من الليالي والممثل الأساسي مجاش وقدر
يكمل الليلة وقدم
صور هزلية عجبت كل الموجودين وكمان إنتحل شخصية الممثل الشرير محمود
المليجي وقدر يكسب رضى الجميع بموهبته .
وقدر
يثبت نفسه لما جسد شخصية أحمد الشاعر في مسرحية "مدرسة المشاغبين"
الكوميدية ومن هنا بدأت رحلته وقدر يطلع لسلم النجومية والمجد لما حصل على
دور البطولة في مسرحية "العيال كبرت" سنة 1978 وبعدها انتقل للتمثيل في
التليفزيون وأدى دور عميد الأدب العربي طه حسين في مسلسل "الأيام".
قدم النمر الأسود من خلال مشواره الفني حوالي 60 فيلم على مدار حياته وكان أول أفلامه "أبناء الصمت" سنة 1974 .
وبسبب إصراره وطموحه إنه ينجح قدم حوالي 6 أفلام في سنة 1980 منهم فيلم " الإسكندرية ليه؟" من إخراج المخرج العبقري يوسف شاهين.
وكتير من الأفلام اللي مثلها كانت للكاتب الكبير وحيد حامد وصور معظمها كرسالة سياسية قوية.
وفي فترة الثمانينيات قدم سلسلة مسلسلات كوميدية "هو وهي" اللي شاركته في بطولتها الممثلة القديرة سعاد حسني.
جسد
الراحل أحمد زكي أعظم وأهم الأدوار في السينما المصرية فلعب دور الرئيس
المصري في فيلمين أول فيلم جسد شخصية الرئيس الراحل جمال عبد الناصر في
فيلم "ناصر 56" سنة 1996 والفيلم الثاني جسد شخصية الرئيس أنور السادات في
فيلم "أيام السادات" .
وعن
حياته الخاصة تزوج أحمد زكي من الفنانة الراحلة هالة فؤاد وأنجبوا إبن
وحيد هو الممثل هيثم زكي اللي شارك والده في تقديم أحد أدواره وجسد شخصية
الراحل عبد الحليم في شبابه ، وانفصل أحمد زكي وهالة فؤاد بسبب إنه كان
عايزها تعتزل التمثيل لكن هى رفضت بسبب حبها لشغلها وحصل الإنفصال .
وتزوجت هالة بعده الخبير السياحي عزت بركات وإعتزلت التمثيل بعد لما ولدت طفلها الأول من زوجها عزت .
وبسبب شراهته في التدخين إنتقل لمستشفى دار الفؤاد في أكتوبر وتوفي بسبب مضاعفات سرطان الرئة يوم 27 مارس سنة 2005 .
إرسال تعليق