اطعم والذ كنافه بالقشطه والطعم حكايه بالصور
مكونات الكنافه بالقشطه
- نصف كيلو كنافه
- كوبايه سمنه
- لعمل القشطه
- 2 كوبايه لبن
- 2 معلقه كبيره نشا
- لعمل الشربات
- 2 كوبايه سكر
- كوب ونصف ماء
- عصره ليمونه
- فانيلا
خطوات تحضير الكنافه بالقشطه
لعمل الشربات
- هنقلب السكر مع مقدار الماء ونرفعهم على نارمتوسطه لحد ما يغلوا
- نضيف ليهم عصره الليمونه ونسيبهم على نار هادئه لمده 5 دقايق كمان لحد ما نحس ان القوام بدا يتقل
- نضيف ليهم رشه الفانيلا ونرفعهم من على النار
لعمل القشطه
نقلب اللبن مع النشا كويس جدا ونرفعهم على النار لحد ما يتقل قوامهم مع التقليب باستمرار ونرفعها من على النار ونسيبها تهدا
لتحضير الكنافه بالقشطه
- هنكسر الكنافه او نفتتها بحيث تكون صغيره الحجم
- نسخن مقدار السمنه على نار هادئه ونقلبها مع الكنافه المفتته كويس جدا بحيث ان الكنافه كلها تتشرب من السمنه
- نفرد نصف مقدار الكنافه فى صنيه مدهونه بالسمنه ونضغط كويس بحيث نعمل طبقه متماسكه ونحاول نعمل حواف بسيطه بالكنافه فى الصنيه
- نفرد القشطه اللى حضرناها مسبقا من الحليب والنشا فوق طبقه الكنافه ونسويها كويس
- نوزع باقى كميه الكنافه فوق القشطه من غير ما نضغط عليها عشان القشطه ماتبهدلش الصنيه
- ندخل صنيه الكنافه فرن سخن على الرف اللى فى النصف لمده 15 دقيقه لحد ما نلاحظ ان الكنافه استوت واتحمرت من تحت ومن فوق واخدت لون دهبى جميل
- نخرج الكنافه من الفرن ونسقيها بالشربات اللى حضرناه مسبقا بحيث تكون الكنافه سخنه والشربات بارد
- تقطع الكنافه بعد ان تهدا وتزين بالسودانى المجروش وتقدم بالف هنا وشفا
من قسم :-
الطبخ والحلويات