مستقلة بس مش قيادية وفي نفس الوقت عمرها ما تبقى تابعد لحد تركيبة شخصيتها كده متفردة تحسها مكتفية بنفسها عن الناس او ممكن تلاقيها وسط مجموعة صغيرة من الاصحاب المقربين، العند والمثابرة من اهم صفاتها ويوم ما تقوم بمهمة معينة بتعملها على اكمل وجه، شاطرة اوي في انجاز المهام الصعبة اللي فيها تفاصيل كتير، حساسة جدا وبتاخد كل حاجة على اعصابها،انثى برج الثور بتحب كل حاجة تبقى تحت سيطرتها ومتنسقة ومترتبة على حسب ارادتها مش بتحب التغيير الكتير، كل الصفات دي بتحدد استايل هدوم انثى برج الثور

الخامات الجيدة

انثى الثور بتهتم اوي بخامات لبسها، دايما تحب الخامات الغنية الجيدة وبتستمتع اوي بلبس الخامات دي زي القطيفة والاقطان النعامة والحرير والصوف، وبالرغم من حبها الشديد للخامات والملابس القيمة الا انها مش بتحب تدفع فلوس كتير اوي على الهدوم يعني ممكن تستنى التخفيضات او تلف شوية لغاية ما تلاقي سعر يرضيها

التفصيلة المظبوطة

من اكتر الحاجات اللي بتأثر في اختيار انثى الثور للبسها هي ان الهدوم تكون متفصلة مظبوط على جسمها لا واسعة ولا ضيقة وبتخلي بالها من تفاصيل اللبس زي التشجيرة او شكل الزراير او الحزام مثلا اي تفاصيل دقيقة في الموديل اللي هي حتلبسه بتخلي بالها منها، وبتختار للبسها دايما اكسسوار يليق معاه خاصة الاكسسوار اللي حيتلبس في الرقبة اسكارف او فولار او عقد فهي غالبا بتنسق مع الطقم بتاعها قطعة لتزيين الرقبة

انثى الثور وتقاليع الموضة

نادر جدا لما انثى الثور بتتبع تقاليع الموضة وده لأنها اصلا شخصية متواضعة وغالبا بتختار هدوم لها ذوق تقليدي مش مطرقع او صيحة من صيحات الموضة المختلفة عن ذوقها البسسيط المتأنق، ولأنها شخصية مش يتقبل التغيير بالساهل فغالبا استايلها متكرر، بتحب تكرر اللي ارتاحت في لبسه او على الاقل تلبس حاجات شبه اللي هي واخدة عليها. وبالنسبة لالوانها هي بتتجنب الالوان الجريئة دايما تحب الالوان الموجودة في الارض يعني تفضل الدرجات الترابية والداكنة بشكل عام الزيتي والنبيتي والكحلي طبعا اما اهم الوانها فهما الكاكي والاسود

انثى الثور والكاجوال

بتحب تلبس الكاجوال والملابس المريحة لكن لازم تضيف اليهم تفاصيلها الخاصة زي انها تلبس الجينز المظبوط اللي قصته كلاسيك مش واسعة وتلبس معاه بلوزة متوسطة الطول ولا طويلة زي التونيك ولا قصيرة وممكن تلبس معاها حزام جلد او فولار حرير او سكارف صوف وتحب جدا تختار شوز انيق ومن خامة مميزة على طقمها الكاجوال، وبتنسق شنط تليق مع الطقم بتاعها وغالبا شنطها من الجلد مش من القماش ولو مش جلد يبقى حتختار الشمواه

انثى الثور والسهرات

بالرغم من انها مابتحبش التجمعات والزحمة لكن انثى الثور بتحب تخرج وتقضي اوقات ممتعة مع اصحابها المقربين وممكن تختار طقم تقليدي لكن اهتمامها بالتفاصيل حيخليها تحوله من تقليدي لطقم رائع بمجموعة لمسات انثوية جميلة وتنسيق الوان وتفاصيل مش ملحوظة لحد غير لها زي انها تضيف حزام رقيق او تلبس حلق من اللؤلؤ او ممكن مثلا كرانيش بسيطة من الحرير في بلوزتها، وبتنسق معاهم صندل رقيق متزين بشرايط من الجلد او غيرها كتير من التفاصيل بيخليها تعرف ازاي تظهر بشكل مميز جدا ومختلف ومفعم بالانوثة.

ذوقك في اللبس بيتحكم فيه حاجات كتير زي الطباع الشخصية والذوق والسن واللايف ستايل اللي بتعيشيه لكن في النهاية في مجموعة من الصفات اللي بيتميز بيها ستايل هدوم انثى برج الثور غالبا حتلاقيها تنطبق عليكي لو كنتي من البرج ده، اما لو تحبي تعرفي معلومات اكتر عن برج الثور ادخلي هنا وشوفي كل حاجة تخص برج الثور.