إتولدت في عائلة فنية فخالها الفنان الكبير عادل إمام
ووالدها هو الفنان والمنتج والمخرج كمال صلاح الدين .
اشتركت الفنانة فيفيان في أفلام كتير في فترة الستينات كانت من إخراج وإنتاج والدها .
الفنان نور الشريف ليه فضل عليها في فترة من حياتها كان بيدربها على مخارج الحروف وكان السبب في إنتهاء اللدغة عندها بلا رجعه.
والفنان الكبير فؤاد المهندس هو من أكتر الأشخاص اللي دعموها في فترة حياتها بالرغم من إن مجمعهومش أي عمل مع بعض.
وكمان الفنان الكبير عيد المنعم مدبولي هو يعتبر من أهم مكتشفينها وكمان إشتركت معاه في كتير من المسلسلات .
صرحت الفنانة فيفيان عن سبب إعتزالها في فترة التسعينات وهو زواجها وقالت "
إنها تزوجت شخص أصغر منها في السن وكان دايمًا بيجيلها في البروفات
والموضوع ده كان بيضايقها جدًا واستمر زواجهم لمدة 19 سنة وانفصلوا وبعدها
توفى زوجها ، وقالت كمان إنها مكانتش بتلاقي أي تشجيع من الصحافة يخليها
تستمر ماعادا المخرج الكبير أنيس منصور هو اللي كان دايمًا بيشجعها.
وعن عودتها للفن مرة تانية قالت اتمنى أرجع تاني للتمثيل ويكون عمل من
بطولة الفنان محمد هنيدي لإنها بتعشق كل أدواره وفيها الروح اللي كانت
موجوده أيام زمن الفن الجميل .
مكانتش الفنانة فيفيان صاحبة شباك ولا ليها أدوار بطولة لكن كانت متميزة من خلال أدوارها الثانوية
وبالرغم من قرابتها من عادل إمام والفنان كمال صلاح الدين إلا إن أعمالها لم تتجاوز ال20 عمل سينمائي والتليفزيوني .
شاركت في أعمال مسرحية منها" البلدوزر ، عبده يتحدى رامبو ، بندق بيه ، الفهلوي"
وكمان من أهم أعمالها السينمائية "أنسات وسيدات ،أبو كرتونة ، إحترس عصابة النساء ".
ومن أعمالها الدرامية "وكسبنا القضية ، أهلا بالسكان".
إرسال تعليق