الفنانة الرقيقة حنان سليمان صاحبة الموهبة الكبيرة اللي قدرت من خلالها تدخل قلوب الجمهور بدون إستئذان فبسبب ملامحها الطيبة وصوتها الهادي حصرها المخرجيين في أدوار السيدة الطيبة هنلقي الضوء في التقرير علي قصة حياتها وعلاقتها بالفنانة الراحلة شادية وهنتعرف كمان علي إبنها الكبير. .

يوم ٢٢ اغسطس إحتفلت الفنانة حنان حسن سليمان أبو عوف بعيد ميلادها ال ٦٠ .

فهي من مواليد سنة ١٩٦٠ في القاهرة .

مكانتش بتفكر في الشهرة ولا التمثيل دخولها لعالم الفن كان بسبب حصولها علي مجموع ضعيف في الثانوية العامة.

 فمقدرتش تدخل آي كلية فقررت تدخل المعهد العالي للفنون المسرحية علشان يكون معاها شهادة جامعية ولكن مع الدراسة حبت التمثيل وبدأت تطور من موهبتها.

 و في سنة 1979 شاركت الفنان القدير محمد صبحي في مسرحيته ( الجوكر ) بدور عصفورة وحصلت علي شهرة بسيطة .

 وبعدها ظهرت مع وحش الشاشة فريد شوقي في فيلم( يارب ولد ) ودة كان ليه آثر ملحوظ علي حياتها الفنية وحققت شهرة كبيرة.