أحمد فرحات بطل "سر طاقية الإخفاء" كيف تغير شكله بعمر الـ 70 وأين هو الأن

نجوم الكوميديا اللي بيضحكونا من قلوبنا حياتهم في الحقيقة مش كلها ضحك وسعادة زي ماهو واضح لينا، بيقدروا يرسموا الضحكة على وشوش الجمهور لكنهم بيكتموا الحزن والقهرة جواهم وعلى رأس الفنانيين دول النجم " أحمد فرحات " الطفل المعجزة و فصيح السينما كل دي ألقاب ليه ، هنستعرض معاكوا تفاصيل عن حياته وسبب حزنه وقهرته وكمان الخلاف اللي قدر يحله مع الفنان عبد الحليم حافظ.

تزوج أحمد فرحات ثلاث مرات لكن قدر ربنا إنه مايرزقش بأطفال وقال فرحات لزوجاته الثلاثة إنه مش بيخلف لكن زوجته الثالثة هى اللي كملت معاه فترة 14 سنة .إتخرج من المعهد العالي الصناعي وكان متخصص في مجال الإتصالات ومن بعدها حصل علي فرصة عمل في القصر الجمهور وفضل مسؤل عن اتصالات الرؤساء لمدة ٣٠ سنة .وفي يوم من الأيام شافه مبارك في القصر الجمهوري وقال لسكرتيره هما الموظفين جايبين عيالهم معاهم يصيّفوا؟"!

فقاله السكرتير أنّه مش طفل ده أحمد فرحات مهندس الاتصالات اللي بيشتغل في الرئاسة وقتها مبارك إفتكره وقاله " مش ده الواد بتاع طاقية الإخفاء... هيقعد يمثل لنا بقى ويغيب ولا إيه؟! قاله لاء ده خلاص ساب التمثيل .

قدر الفنان أحمد فرحات يحل مشكله كبيرة بين الفنان عبد الحليم حافظ ومخرج فيلم " معبودة الجماهير " لإن عبد الحليم كان رافض يغني أغنية تانية في الفيلم فقدر يقنعه فرحات إن الجمهور بيحب عبد الحليم المطرب أكتر من الممثل ومن هنا وافق إنه يغني وإتحلت المشكلة .

اتعرف الفنان أحمد فرحات بعد ما شارك في بطولة الفيلم المشهور "سر طاقية الإخفاء" قدر يتميز في تقديم الدور علي أكمل وجه سنة 1959 رشحه المنتج رمسيس نجيب وكان ثالث فيلم ليه وبسبب الفيلم ده ذاع صيته وعرفه الجمهور وكان المبلغ اللي أخده عن دوره 60 جنية .

إتولد يوم 23 يوليو سنة 1950.

بدأ التمثيل لما كان عنده 8 سنين وإستمر في التمثيل لمدة 10 سنوات .

كان أول عمل ليه لما رشحه المخرج صلاح أبو سيف علشان يقوم بدور الطفل اليتيم في فيلم "مجرم في اجازة" وكان أول أجر أخده هو 10 جنية في حين إنه كان نفس راتب والده الشهري .

و إعتزل وهو عنده 18 سنة .

ورجع تاني بعد ما طلع على المعاش سنة 2012 من خلال سيت كوم " عيلة في مهمة رسمية " ،

ومسلسل " أم الصابرين " ، وفي 2018 قدم مسرحية " يوم ليك ويوم عليك ". وغيرهم أفلام ومسرحيات بعد رجوعه.

وآخر أفلامه " افندينا " سنة 2019

كان محظوظ من صغره لإنه قدر يشتغل مع عمالقة الفن، على رأسهم الفنان الكبير عبد الحليم حافظ فى فيلم "معبودة الجماهير"، وكمان الفنان عمر الشريف فى فيلم "إشاعة حب" والفنان عبد المنعم إبراهيم فى "سر طاقية الإخفاء" والفنانة زبيدة ثروت فى "شمس لا تغيب". وغيرهم من كِبار النجوم.