أغلب المصطلحات المتداولة في مهنة الميديكال ريب للفريش :-
فيكنت (Vacant): وظائف شاغرة، ودي بتنزل على هيئة إعلانات على مواقع الشركة أو جروبات الفيس بوك.
البروداكت (Product): هو الأدوية اللى انت شغال عليها.
الأريا (Area): هى المنطقة اللى انت بتشتغل فيها. A.M: فترة الشغل الصباحى، اللى هي المستشفيات. P.M: فترة الشغل المسائية اللى هي زيارات الدكاترة في العيادات. الفيدباك (Feedback): هو المعلومات اللى انت بتعرفها من الصيدلي .. زي الدوا بتاعك بيتكتب ولا لاء .. او اية اكتر الادوية اللى بيكتبها الدكتور وهكذا .. والفيدباك ممكن يبقي من الأسيستانت في العيادة او المريض نفسة. الميتنج (Meeting): هو الأجتماع اللى بيتعمل اسبوعياً او شهرياً في مقر الشركة لمناقشة اخر المستجدات من حيث المبيعات او طلبات المندوبين …ألخ الكول (Call): هو الحوار بتاعك مع الدكتور على الدواء لما تدخل تعرفة بالدواء بتاعك وسعره ومميزاته ويكتبه لية. (Role Play): هو قيام احد افراد التيم بتقمص دور دكتور وانت تدخل تعمله كول او انك انتى اللى تتقمص دور: الدكتور وحد يدخل يعملك كول على الدواء وطبعا بيتغير بتغير شخصية الدكتور والغرض منه ان السوبر فيزور يعرف طريقة تصرفك مع الشخصيات المختلفة اللى انت بتقابلها من الدكاترة. الكومبيتتورز (Competitors): هى الأدوية المنافسة ليك في السوق. بروسبكتينج (prospecting): عملية تنقيب وبحث ودراسة للمنتج بتاعك، فانت كمندوب جديد بيبقي مطلوب منك انك تنزل الأريا بتاعتك علشان تاخد فيدباك من الصيدليات وتعرف مين اللى بيكتب الدواء بتاعك ولو مبيكتبوش طيب بيكتب اية من الكومبيتتور …الخ
اللستة (list): هى قائمة الدكاترة اللى انت بتعدها علشان تزوهم شهرياً. (Control Sheet): ملف اكسيل بتنزل علية الزيارات اليومية. (Call Rate): عدد الدكاترة اللى زرته من كل تخصص وده برضة بيبقي يومي. الفالس فيزيت (false visit): يعنى انك تكتب انك رتت زرت دكتور و انت مزرتهوش. التارجت (target): انت كمندوب بيبقي معاك اكتر من برودكت وكل برودكت بيبقي لية تارجت منفصل وهو عدد العلب اللى المفروض بتبيعها من كل برودكت شهرياً. مونى وايز تارجت (money wise target): هو مجموع الفلوس اللى بتجمعها من بيع كل البرودكت بتاعتك يعنى لو الصنف الأول مطلوب منك تبيع ب 1000 جنية والتاني مطلوب تبيع ب 2000 جنية .. يبقي التارجت بتاعك 2500 جنية كمونى وايز. التحقيق (achievment): هو انك تقدر تبيع عدد العلب اللى مطلوب منك تبيعها من البرودكت بتاعتك في الشهر. اوفر اتشيفد (over achieved):هو انك تبيع عدد علب من البرودكت اكتر من اللى مطلوب منك وليكن مطلوب منك تبيع 100 علبة وانت بعت 110 يبقى انت اوفر اتشيفد وحققت 110%. الانسنتف (incentive): يعني الحوافز وهي الفلوس اللى بتاخدها من الشركة مقابل قدرتك على تحقيق التارجت بتاعك، ودي بتختلف من شركة لشركة من حيث الوقت اللى بتتحاسب فية على الأنسنتف ومن حيث الفلوس في شركات بتعملة شهري وفي شركات بتعت بتعملة بعد كل كوارتر "Quarter" وفي شركات بتعمل بالسميستر "Semister". (Quarter) كوارتر: 3 شهور من السنة. (Semister) سيميستر: 6 شهور من السنة. الموزعين: هي الشركات اللى بتبقي مسئولة عن بيع الدوا بتاعك للصيدلي في حالة طلبه، زي المتحدة او ابن سينا او فارما اوفر سيز. الحرق: عملية "Illegal"، أى دوا بيبقي لية خصم معين في الموزع بتاعك وفي حالة فشل المندوب في تحقيق التارجت بتاعه بيسحب الدوا من الموزع علشان يروح يحطة في مخزن معين، طبعاً المخزن علشان ياخد الدوا لازم يبقي خصمة اعلى من الخصم في الموزع بتاعك وبالتالى المندوب بيدفع فلوس منجيبة علشان يعلى الخصم وبالتالى المخزن ياخدة. وسبب اللوجوء للحرق حاجتين، في ناس بتحرق علشان خايفة على مكانها في الشركة، فبتحرق علشان تستمر في الشركه وفي ناس بتحرق علشان تحقق بنسبة 100 في المية وتاخد الأنسنتف بتاعها من الشركة. كار ألوانس (Car Allowance): هي البدلات اللى بتاخدها من الشركة على استعمال للعربية ودة بيختلف من شركة للتانية.
- والعربية عموماً ليها اكتر من نظام في الشركات:
1- كومبانى كار (Company Car):
الشركة
بتسلمك العربية وبتشتغل بيها طول ما انت موجود في الشركة وفي حالة انك
تركت الشركة بتسلمهم العربية وفي الحالة دي الشركة مبتديش بدل عربية وبتدي
كوبونات بنزين. 2-اون كار (Own Car):
يعنى الشركة بتاخدلك قرض
من البنك بضمان مرتبك علشان تشترى بية العربية وبتفضل تقسطلك في الاقساط
بتاعت العربية طول فترة تواجدك في الشركة وفي حالة انك سبت الشركة العربية
بتبقى بتاعتك وتسدد انت بقية الاقساط مع البنك. "حرام" 3-كومبنى تو بى اون (Company To be Own):
عربية الشركة بتسلمهالك وبتفضل بتاعت الشركة لكن في حالة مرور 4 سنين عليك من العمل في الشركة بتبقي العربية ملكك. الأكسبنسات (expenses):
هي النفقات اللى بتدفعهالك الشركة مقابل سفرك، ودة بيبقي نظام على حسب كل
شركة وبيختلف من واحدة للتانية، مثلا في شركة بتدي 20 جنية اكسبنس على اى
مشوار فوق الاربعين كيلو وفي شركة بتدي 40 جنية على كل مشوار فوق التلاتين
كيلو وهكذا .. جروب ميتنج (Group Meeting): دة عبارة عن اجتماع بتعملة
لدكاترة معينين في اى مطعم اوكافية علشان تكلمهم عن البرودكت بتاعتك وطبعا
بيبقي بعد الحصول على موافقة من الشركة. سيرفيس (service): هى اى نشاطات
بتعملها الشركة للترويج عن الأدوية بتاعتها زي المساهمة في مؤتمرات او
الأجهزة الطبية للعيادات او ستاند ألون او الجروب ميتنج … ألخ ديفيست (defecet):
ودة عبارة عن عدد العلب الى فاضلة عشان تبقى حققت 100% من تارجتك، ولازم
تبقى عارف ديفيست كل شهر عشان تحاول تعوض الشهر الى بعدة عشان تقفل
الكوارتر. كفرادج ليست (coverage list): عبارة عن ليست فيها كل الدكاترة
الى بتزورهم وبتبقى محدد فيها كل دكتور يستحق كام زيارة فى الشهر، وبتفضل
يوميا تفرغ فيها الزيارات، وتيجى اخر الشهر تشوف اديت كل دكتور حقة ولا لا،
ولو قدرت تظبطها بنسبة 90% لو انت شغال فى شركة محترمة على برودكتس محترمة
هتجيب تارجتك بسهولة.
فيد باك feedback: هو أي حاجة جديدة اكتشفتها وانت شغال خاصة بالدواء بتاعك، مثلا الدوا ناقص في المخازن .. دوء جديد نزل.
Weekly Plan ويكلي بلان: الخطة الاسبوعية بتاعتك اللي هتشتغل عليها وتنفذ بيها ستراتيجية مديرك في الشغل عشان تحقق تارجتك.
Forecasting sheet: يعني
مديرك هيقولك توقعلي خلال الاسبوع دا هتجيبلي اوردارات قد ايه بمبلغ كام
ومنين بتكتب اسم كل صيدلية والاوردر اللي متوقع تجيبه منها بتكلفته بحيث ان
انت خلال نهاية الاسبوع تكون جبت المبلغ المتوقع.
ستارت بوينت starting point:
ودية بتبقى فى الويكلى بلان "Weekly Plan" بتاعك وهى عبارة عن مكان وغالبا
صيدلية بتكتب انك هتبقى موجود فية فى AM من مثلا 9 ل 9.15 بحيث ان مديرك
من حقة ينزل فى المكان دة فى الوقت الى انت محددة فى اى يوم ولو ملقكش
يتحسبلك فولس.
ايند بوينت End Point: نقطة النهاية ودي نفس البداية بس العكس ومديرك لو اتصل بيك قبل الوقت اللي انت كاتب انه نقطة النهاية وملقكش في الشغل هيقفش عليك.
Bounce البونص: دا بيبقى الكمية الاضافية من المنتج هدية من الشركة للصيدلي اللي بياخد كمية معينة، يعني
مثلا ١٠ علب عليه علبة واحدة بيتقال العشرة واحد بونص ١٠% ودا بيبقى حسب
سياسة الشركة العلبة الزيادة دي اسمها البونص ومش كل الشركات بتعمل نظام
بونص.
IMS”Intercontinental Marketing Services”:
منظمة عالمية بتعمل احصائيات نوية عن سوق الدواء في اكثر من 100 دولة على
مستوى العالم لتقييم حجم زيادة سوق الدواء وتقوم بالكشف عن اكثر 20 شركة
مبيعات للادوية في كل دولة في كل كوارتر.
CRM”Customer relationship management”:نظام تتبعه الشركات لمراقبة المبيعات لكل مندوب والزيارات بشكل يومي.
