للعجينة، نخلط جميع المكونات الجافة مع بعضاهم، فرينة+ ملح+ الخميرة و البيكاربونات، الزيت و الخل، و نلم العجينة بالحليب الدافئ، بعدها نعجنها 5 دقائق حتى نتحصل على عجينة طرية و نقرصهم و نخليهم على جنب...

للحشوة، نقطع كل من البصل قطع صغيرة نقليهم في ملعقتين زيت، و نضيف الطماطم و الفلفل مقطعين قطع صغيرة.و الدجاج كذالك مقطع مربعات صغيرة، مع التوابل و المعدنوس (بقدونس) نخليه حتى يستوي...

بعدها نروح نطيب العجينة، لازم نسطحها رقيقة جداً، و نتيبوهم في مقلاة واسعة أو طاجين،، كي يطيبو لازم يتغطاو بكيس بلاستيكي، أو طارشون...

بعدما يطيبو،و الفريت واجدة، نحضر صلصة الجبن، في كاسرونة ندير الكريم فريش ، و الجبن مبشور، على النار حتى يذوب الجبن و يتجانسوا...

بعدها نعمرهم بالحشوة و الفريت ، و صلصة الجبن، و نطيبهم و بصحتكم

ملاحظة، مقادير العجينة، يخرجوا 11 قطعة