نوضح لكم أشكال امطار الكواكب في المجموعة الشمسية، من قديم الزمان وسقوط الامطار مقترن اسمه بالخير.

لانه ببساطه المطر يعني، حياة و زراعه و نباتات وبدون المطر ما كان فيه موجود انهار ولا قامت حضارات، قطرات الماء او حبيبات الجليد او حتى كتل الثلج.

في النهاية كل الاختلافات هذي لعنصر واحد وهو الماء، لكن هذا المطر بشكله المعروف لنا، بس يصير على كوكب الارض مو بكل الكواكب.

بظاهره كونية معروفه في كثير من الكواكب سوا كان في المجموعة الشمسية او مجموعات ثانية، والغريب انها تشبه نسبيا تكوين السحب وسقوط الامطار على الارض، بأختلاف في طبيعة المطر نفسه، وفي هذا المقال راح نعرف اغرب انواع الامطار في المجموعة الشمسية.

امطار الألماس

قد يكون اغرب الامطار المتساقطة على الكواكب هو الألماس، وهذا يتساقط الف طن منه عن كوكب زحل، لكن طبعا هذي حقيقة غير مؤكده لكن حسب النتائج ان المطر الألماسي، على اربع كواكب وهم زحل ونبتن و اورانوس والمشتري.

زحل ظروفه المناخيه او خصائصه الجيولوجيا مهيئة اكثر من الثلاث كواكب الثانية لإنتاج الألماس، فعواصف البرق عليه بمعدل 10 ضربات برق في الثانية، وهذا يسبب تحطم جزيئات الميثان في الغلاف الجوي.

وهذا يسمح للكربون بأن يطفو في الجو بحريه، وبعدها يبدا في التساقط، و خلال انتقاله بين طبقات الغلاف الجوي الكثيفه يتحول لغرافيت. 

حتى ينضغط بعد كذا على شكل قطعه صغيرة من الألماس حجمها يوصل غالبا لملي متر واحد، ولكن بعد ما تقطع مسافة 22 الف ميل ترتفع الحراره بشكل كبير ويتحللل الألماس حتى يصير سائل خفيف.

امطار من حمض الكبريتيك

لو شفنا كوكب الزهره راح نشوف ان الامطار هناك عباره عن حمل كبريتيك ساخن، ومن المعروف ان الغلاف الجوي لزهره مليان بالسحب حمض الكبريتيك.

ولأن الحرارة على سطح كوكب الزهره ماتقل عن 480 درجة مئوية، فالامطار ماتوصل لسطح فعليا، بمجرد وصلها على مسافة 25 كيلو متر من السطح تتبخر مره ثانية وتتحول لغازات.

عواصف جليدية من الميثان

قمر تيتان هو اكبر اقمار كوكب زحل، والقمر الوحيد في المجموعة الشمسية اللي له غلاف جوي كثيف، يتكون بشكل كبير من النيتروجين، والامطار والرياح على ارضه شكلة معالم مشابهه ل معالم كوكب الارض.

حتى بعد ان له انماط طقس مشابهه ل انماط طقس الأرض، تسقط الامطار الموسميه من الميثان حتى تملي البحيرات، وفي النهاية تتبخر وتصعد لسحب وتعيد نفس العملية من جديد.

الميثان على سطح تيتان ياخذ شكل سائل وهذا بسبب انخفاض درجة الحرارة لما يعادل 179 درجة مئوية تحت الصفر. 

امطار بلازما

على سطح الشمس دورة مماثلة لدورة المياه على الارض، لكن معروفة باسم المطر الاكليلي وهذي يعني عباره عن بلازما حرارتها عاليه جدا، تتصاعد من الشمس خلال التوهج الشمسي.

وعلى امتداد حلقات مغناطيسيه غير منظوره، فتتبرد بعد بعدها عن الشمس وتسقط، بشكل قوس من الامطار وبعدها تتكاثف حتى تنخفض مره ثانية للاسفل على طول المسارات المغناطيسيه.

بعد ما تعرفت على امطار الكواكب في المجموعة الشمسية، أخبرنا رايك في التعليقات، واتمنى ان يكون المقال قد اعجبكم والسلام عليكم ورحمة الله وبركاتة.