بالرغم من إن عمرها 48 سنة لكن لا تزال تتمتع بنضارتها وكأنها في العشرينيات
وده خلي الناس تقول إنها لسه زي ماهى بسبب عدم زواجها
فمؤخرا تداول رواد مواقع التواصل الاجتماعي صورة ليها وهى بترقص على واحدة من الأغاني الشعبية وظهرت بجمالها المميز وحيوية لفتت بيها الأنظار
إتولدت الفنانة نرمين الفقي في الأسكندرية يوم 21 سنة 1972.
إتخرجت من مدرسة فيكتوريا وهى واحدة من أحسن المدارس الإنجليزية ،
وبعدها دخلت كلية التجارة جامعة الإسكندرية .
كانت في البداية تقيم في منطقة لوران وبعدها إنتقلت للإقامة في القاهرة .
بسبب رفضها للزواج إنتشرت قصص وروايات كتير عن سبب الرفض وده اللي خلاها ترد على كل الإشاعات المغلوطة .
وقالت إنها بتحمل نفسها المسئولية الكاملة لعدم زواجها وإنجابها وان " ربنا مابيديش كل حاجة " وإن عروض الزواج اللي إتعرضت عليها مكنتش مناسبة ليها سواء كان الشخص غير صالح كزوج ليها أو إنها ممكن تحب شخص لكن الظروف تكون ضدهم في مسأله الزواج ، أو تحب شخص مش بيبادلها نفس شعور الحب
ومن ضمن كل اللي اتقدموا للزواج اتنين بس اللي ممكن تتندم عليهم لكن الباقي لا .
وتمت خطبتها من رجل أعمال في الإسكندرية لعدة شهور لكنهم إنفصلوا ويقال إنها رفضت ترجع خاتم الخطوبة اللي قيمته 50 ألف جنية .
وكشفت عن مواصفات فتى أحلامها ولخصت كل المواصفات إنها عايزاه راجل بمعنى الكلمة ويكون محترم وعنده وظيفة محترمة وعنده ثقة في نفسه وفيها ومايكونش طمعان .
نرمين الفقي بتربطها علاقة قوية بوالدتها وبسبب مرض والدتها الشديد قررت تبعد عن الساحة الفنية للأهتمام بيها حتى توفاها الله ، وقالت الفقي إن وفاة والدتها كسرها وخلاها وحيدة في الدنيا خصوصًا إن معندهاش أخوات وكانت هى سندها الوحيد و جنبها في كل حاجة وبتدعمها في كل أعمالها الفنية
لكن قدرت ترجع تاني للجمهور من خلال مشاركتها في مسلسل "أبو العروسة " .
سنة 2015 إنتشرت صور ليها مع الفنان الكبير فاروق الفشاوي وده أثار فضول الجمهور على طبيعة علاقتهم ببعض فقرر فاروق الفشاوي الظهور في برنامج " ليلة سمر " مع الإعلامية سمر يسري ووضح إن كل اللي بيربطهم ببعض علاقة صداقة قوية فقط وإن مفيش أي مشروع ارتباط بينهم.
وفي سنة 2013 تقدم المحامي أسامة صدقي ببلاغ للنائب العام ضدها هى ومحاميها بالسب والقذف لإنها إتهمته بوجود علاقة بينه وبين خادمتها.
وسنة 2010 سرقت خادمتها الخاصة من خزنتها دهب بقيمة 36 ألف جنيه و3 آلاف دولار و150 يورو
وقدرت تستغل تواجدها بمفردها في الشقة وافتعلت حريق لتتمكن من الهرب لكن الأمر لم يمر بسلام قامت نرمين فورًا بعمل محضر بالواقعة وتم القبض عليها وإتحكم عليها بالسجن لمدة 5 سنوات مع الشغل بسبب سرقة وحرق الشقة وكمان تم حبي 2 من شركائها في الجريمة لمدة 6 شهور .
الجدير بالذكر ان أهم أعمال نرمين التليفزيونية " مسلسل نصيبي وقسمتك 3 ، الإيمام الغزالي ، مواطن بدرجة وزير ، أحلامنا الحلوة ، للثروة حسابات أخرى "
أما عن أعمالها السينمائية فبرعت في فيلم "تحت الترابيزة ، دكتور سليكون ، اللقاء التاني "
وتميزت في تقديم المسرحيات منها " أنا ومراتي ومونيكا ، دستور يا أسيادنا "